![AMEGHNAS](https://ameghnas.info/wp-content/uploads/2021/07/41010.jpg)
Israël s wudem unṣib ad tettekki deg tdukli tafriqit deg wemḍiq n uɛeggal aɛessas ( membre-obserγateur. D tamsalt i d-yeḍran imi anmahal n tmurt n Isṛaɛil yella deg tmurt n Lityupya, ass-a, mass Aleleign Admasu anda yestenya s wudem unṣib tibṛatin n uttekki deg deg tuddsa n tdukli tafriqit, ayen ɣef wayeg d-mmeslayen waṭas n tuddsiwin n isallen am weɣmis n ivoirwebtv.
Tidukla Tafriqit d tuddsa yakk muqqren deg tefriqt, tesɛa 55 n iɛeggalen. Tamurt n Izraɛil d tin yesɛan assaɣen idiplumasiyen akked 46 n tmura tifriqin, ihi ad d-yegri deg umezruy akken ass n lexmis 22 yulyu 2021, tamurt n Izraɛil tuɣal s wudem unṣib d aɛeggal aɛessas n tidukla tifriqit.
Aneɣlaf n beṛṛa n tmurt n Izraɛil Yair Lapid yenn-ad deg tiliẓri tagraɣlant i24 :” D ass n tmeɣra gar wassaɣen gar tmura n tefriqt d tmurt-nneɣ”, yerna-d deg temsalt-a ” Agemmuḍ-a adiplumasi igerzen yusa-d s uxeddim igerzen i gan iɛeggalen n tneɣlaft n beṛṛa, d yakk inmahalen izraɛilmiyen deg tmura yemgaraden n tefriqt, assaɣen ara yettwaǧehden s uttekki n tmurt-nneɣ deg tuddsa-ya, d aɣṛam kan ara ɣermen lexṣaṣ yellan yakan”.
Isalli am wagi d tisfi tadiplumasit tamaynutt deg zagur n uwanek azayri, imi zik tesɛa kan yiwen wexṣim deg lberr n tefriqt wagi d tamurt n Merruk tura terna-d tmurt n Izraɛil, nebla ma nettu assaɣen yelhan gar mass Ferhat Mehenni akked izraɛil d Merruk.