Amdakkel ameqran n ucennay itri IDIR, win i s-yekkaten tajewwaqt d iseggasen ar yidis-is Gérard Geoffroy, yemmut ass-a n ssebt 13 Furar , ayen ɣef wayeg i d-iberreḥ unazur Jean Paul Prat, amdakkel-is n dima.
Gérard, yezga ar tama n IDIR, armi yekcem ul n yal iqbayliyen, ulamek ass-a ad t-id-adreḍ ma ur d-nudir ara IDIR, win ukkud yexdem acḥal d tameɣra, dduklen akken ar yal tamurt, s lebɣi-s neɣ nebla lebɣi-s d win yettekkin deg tefrar n yedlen d uzawan aqbayli, d uǧeǧǧeg-ines deg maḍal s lekmal-is. mači d yiwen neɣ d sin i d-ibegnen leḥzen-nsen ɣef isalli-ya i d yefɣen tameddit n wass-a. tacennayt tafinlandit STINA d tin i d-yuran deg sebtar-ines n facebokk, ɣef leḥzen-ines tenna ” tanemmirt, ar timlilit”.
Gérard, sgunfu deg talwit, taqbaylit werǧin ad tettu isem-ik d wayen akk i d-muddeḍ i wẓawan aqbayli ar yidis n IDIR.
