Kais Saied : Aselway n Tunes yeslek i tmettant
Deg tegnitt anda tamurt n Tunes am waṭas n tmura tigellilin, tettidir leḥris d ameqqran deg yal aḥric, tadamsa, tazmert d tmeti, fidar n wenfafad n covi-19, aselway n tmurt ɛerḍen ad s-cceččen ssem, werǧi teḍra deg mezruy n tmurt agi.
Tama taɣamsant i d-yessufɣen isalli yagi d tudsa n Reuters, tin i d-ibegnen belli tisselwit n Tunes, yewḍitt-id tebratt deg yedda usafar d acebḥan, maca tabratt agi i d-yettwacegɛen i uselway Kais Saied ur ttyelli ara. Asafara agi i d-yeddan deg-s ad yili d asafar n “RICINE” ayagi d isalli i d-tewwi tɣamsa tatunsit.
Aɛṛaḍ n tmettant n usalway atunsi d ayen i d-yusan deg tegnitt n cedda meqqren, deg tazwara n yennayer ar ass-a, ayagi dayen ttidiren imezdaɣ yakk n ukkuẓ n tɣemmar n tmurt agi n tunes. Ass n ttlalta kan yezrin, yella ibeddi n itunsiyen zzat n wesqamu aɣerfan, akken ad yili userreḥ d usufeɣ n imsbaniyen, yettwaṭṭfen sɣur imsulta n tmurt agi, imesbaniyen yessuturen aṣeggem n liḥala n tudert n itunsiyen.
Deg yiwen wass iɛeggalen n wesqamu aɣerfan fernen s tugett ad kksen laman i unabaḍ atunsi, i d-yettwabedden ahat send 5 waguren neɣ ur wwiḍen ara, d tagnitt tasertant werǧin teddir tmurt agi, ahat degmi tettwakkes twacult Ben Ali deg 2011.
