Anmahal n Tmurt n Utric deg Lezzayer, mass Peter Elsner-Mackay, yusa-d ar taddert n Saḥel deg At Wizgan 27 deg Fuṛaṛ yezrin, xas ulamma zrin wussan ɣef tirza-ya maca, aṭas nizayriyen yessedduyen aẓeṭṭa n Facebook ugin ad ḍelqen i wsalli-ya. Amek, Taddert-nni kerhen, tjebbed-ed ɣur-s lwelha d tmuɣli n umaḍal deg wakud anda tamanaɣt n lezzayer, am yimi ɣunzan-tt tenmahalin n umaḍal ?

Anmahal n Tmurt n Utric, xas ulamma ur bnin ara fell-as imezdaɣ n taddert n Saḥel, maca i tikelt-nniḍen taddert tbeggen-d belli tezmer, ad tili d allal n unegmi d tmerrit ( Tourisme) ara i degren tamacint n unegmu deg yal aḥric deg tmurt taqbaylit. “Tasqamutt n tmerrit ɣf wayeg lliɣ d taselwayt, thegga-d ahil yeččuren, d tigawin timerriyin i yzemren mači kan ad wulmment i tirza n wenmahal n Utric, maca i yal win neɣ tin i ran ad terzu ar taddert-nneɣ” id tenna Fadila Bekouche, tameṭut yettekkin deg yal tigawt n unegmi n taddart n Saḥel.

Anmahal n Tmurt n Utric, yenna i tselwayt n tesqamutt n tmerrit massa Bekouche ” Taddert-nwen tettak anzi ar tudrin n tmurt-iw”, imi deg wahil i d-heggan yella yakk wayen ara tafeḍ deg tmurt taqbaylit : Izlan, talaɣt, aẓeṭṭa, asewwi n seksu, d usiwel n tmucuha, agraw n taddert i d-yettbegginen tugdut taqbaylit yewten iẓuṛan d igiman n iseggasen deg umezruy n tmazɣa.

Deg tagara n tirza n Umnahal n Utric, yewwi arazen gar-asen sin yeɛdilen ar yinan n wanay amazɣ d wanay n tmurt n Utric, d umayu n terbeɛt n ddafex uḍar n taddert i refden anayen n tmurt n Utric.

S tirza-ya n umnahal n tmurt n lber n luṛuppa, ur nelli d tamenzut, ur yettilin d taneggarut, taddert taqbaylit tbeggne-d belli mači kan d tasqamutt yettṣeggimen tudert n waṭas n twaculin maca ugar n waya, d idles n taddert, i yzemren ad yili d aɣbalu n tnekkit d unegmu d usefrek n uḥulfu aɣelnaw aqbayli.