Imezdaɣ n At Wizgan, ggagin-d yakk ar iberdan deg tikli muqqren ilmend n usuter n tlelli i mmi-s n taddert n Tizi Boa, yettwaṭfen ar lḥebs ass n 12 yulyu yezrin, ɣret ayen i d-nura ɣef temsalt-a.
Tusmunt n tuddsiwin n tuddar n tɣiwant n At Wizgan, tessawl-ed ar tikli taṣebḥit n wass-a lḥed, ilmend n tlelli n Sofiane Mohdeb yettwaṭfen ar lḥbs nebla ma yexdem kra. Ass-a tiɣremt n At Wizgan d tin isekkṛen, tettwakref s unegzum n uxeddim, ulac akk acu yeldin, lwelha n imezdaɣ terra kan metwal mmi-s n Tizi Boa, d usuter n tlelli-ines.
Tikli d tin muqqren, abrid alemmas n teɣremt n At Wizgan d win yeččuren d imdanen ass-a, ggagin-d akk imezdaɣ qeccuc meccuc, deg yimi-nsen ala asuter n tlelli n Sofiane, d weḍlaq n imeḥbas n tikti yeččuren leḥbas izayriyen.
At Wizgan d amedya i yal tamiwin n tmurt taqbaylit, imi gzan yiwet n tidett i d-yeqqaren, belli ilaq yakk iqbayliyen ad cemmṛen i yiɣallen-nsen ma ran ad ḍelqen i warraw-nsen yettwakerfen deg leḥbas n lezzayer deg lbaṭel.
