Nicolas Sarkozy : Aselway aqbur n Fransa, tessufeɣ-as-d teɣdemt krad n iseggasen n lḥebs
Nicolas Sarkozy, teṭṭef fell-as ass-a n letnayen teɣdemt tafransist s Krad n iseggasen n wekraf, deg-sen sin ur ten-id-yesɛddi ara, deg temsalt i yetwasnen deg tɣamsa tafransist s “Temsalt n usemḥes”.
D tikelt tamenzut deg umezruy n tagduda tis semmus(5), anida aselway n tagduda ad yesɛeddi lḥebs. Aselway aqbuṛ n uwanek afṛansi mas nicolas Sarkozy, teḥkem fell-as teɣdemt tafransist ass-a n 1 Mars deg Paris. s 3 n iseggasen n lḥebs, anda yiwen kan n useggas ara d-yesɛeddi deg ukraf. Ayagi yusa-d imi s-teṭṭef teɣdemt tuḥsift n tukkeṛḍa, d useqdec n wallalen n tagduda i lmendad n yeswiyen n wemdan, deg temsalt yewwin yakan isem ” Tamsalt n usemḥes”, tamsalt yeḍran deg 2014 ,anda kra n isawalen akked d umastan-is Thierry Herzog llan ttwaskelsen.
Taɣdemt n uṣeggem n Paris, twekked-d tilin ” tadukli n imakṛaden” gar uselway aqbuṛ yesɛan 66 n iseggasen akked d mass Thierry Herzog akked d umastan aɛlayan aqbuṛ mass Gilbert Azibert, win ula d netta ɣef wayeg yeḥkem creɛ s krad n iseggasen, anda yiwen useggas ad t-yesɛeddi deg lḥebs.
taɣdemt twekked-ed tuzzma-ya s kra n yisawalen yettwaskelsen gar uselway aqbuṛ akked ubugaṭu-ines mass Thierry Herzog, s ttawil n yiwet tilifun i d-yettwaɣen ɣef yisem n Paul Bismuth. Deg taluft-a yelha ad nesmekti belli abugaṭu Thierry Herzog yettwaḥkem fell-as anegzum ɣef umahil n umastan azal n semmus n iseggasen.
