RCD, terḥat tezrmert n imeɣnasen iqbayliyen i gan anegzym ɣef tgulla, yessawel ar weḍlaq-nsen s temɣawla.
amdanamdan30@gmail.com
Deg yiwen walɣu i d-yessufeɣ ukabar n wegraw i yedles d tugdut (RCD) ass-a n lexmis, ibeggen-d tugdi-ines ɣef tezmert n imeɣnasen iqbayliyen i kecmen deg wass wis semmus (5) n unegzum ɣef tgulla, i wakken ad beggnen lɣiḍ-nsen ladɣa imi llan wid ikerfen ugar n useggas deg leḥbus n lezzayer nebla ma ttwacuṛɛen.
” Aṭas n imekraf n tlelli d tugdut, gan anegzum ɣef tgulla akken ad wten deg wekraf-nsen nebla sebba, aṭas n imastanen-nsen ula d nutni segzan-d belli anegzum ɣef tgulla d allal aneggaru i wakken ad awin azref-nsen” i d-yenna RCD.
Akabar n RCD, yeccelqef tagnitt akken ad ibeggen ibeddi-ines ar yidis n imekraf-a akked twaculin-nsen, u yessawal i weḍlaq-nsen s temɣawla imi ur yella acu gan yeffɣen beṛṛa n ṣwab d tegzi, ala azref-§nsen kan i nudan.
