Asenfar n usaḍuf i d-ihegga uneɣlaf n teɣdemt tazayrit mas Zeghmati ass n 3 Meɣres yezrin, win i d-yettmeslayen ɣef tukksa n taɣlant tazayrit i yal win neɣ tin igan kra n tigawt mgal tadukli n wakal azayri neɣ tin ara yeszeɛzɛen aɣlan-is , d asaḍuf mazal yessazzalen aṭas n umeslay d weskasi, ɣef wayen yefren deg-s, d wayen yenwa udabu azayri ad yessaweḍ d izen ladɣa i yeqbayliyen i begsen s igiman akken ad as-lalen awanek-nsen.

Hicham Aboud, deg sebtar-ines n facebook d Youtube, yuɣal-ed ar temsalt-a, anda i d-yessegza, belli asaḍuf-a d win yerzan ladɣa imeɣnasen iqbayliyen n umussu n MAK d imussuten akk iqbayliyen yettnaɣen akken ad d-ilal uwanek aqbayli ama d RPK ( Agraw n wegdud aqbayli), neɣ AKAL ( Tuqqna i tmurt taqbaylit tilellit) d yakk imeɣnasen ilelliyen yettnaɣen ama ɣef Timanit neɣ ɣef Uzarug n Tmurt Taqbaylit.

Hicham Aboud, i beggen-d s imedyaten belli d adabu i yekkaten deg tdukli n wakal n lezzayer, ticki ara yanef i waṭas n isertanen am Naima Salhi d Bengrina ad reggmen sbeḥ meddi deg tmurt taqbaylit nebla ma yemmameḍ, u tikwal yettcekkil isutren n weḍfaṛ ar creɛ i waṭas n imesmiḥyafen am deg temsalt n NAIMA salhi, anda nwala ccekwa tella-d sɣur imastanen d waṭas n yeqbayliyen mgal tameṭṭut-a ugar n useggas acukan taɣdemt tazayrit tugi ad telli tamsalt-a. Hicham Aboud yesmekt-ad diɣen agemmaḍ ilem n yal tifranin tga lezzayer deg tmurt taqbaylit ama d tifranin tiselwayin neɣ d tifranin ɣef tmendawt tazayrit, anda yenna belli, d adabu ara yeddeggiren tamurt taqbaylit ad tebnu awanek-is imi ulac acu i tticerken akked uwanek azayri.

Ma negza asaḍuf i d-ihegga uneɣlaf n teɣdemt tazayrit, d ayen ara yerzun d igiman n yeqbayliyen deg tmurt neɣ beṛṛa n tmurt, amek azekka ad naf d luluf n yeqbayliyen umi ara tetttwakkes teɣlant tazayrit, deg tugnitt anda ara yeḍru waya, iqbayliyen ad d-grin s taɣlant-nsen i d-werten d luluf n iseggasen-aya tagi d taɣlant taqbaylit, tamaziɣt yezzin metwal talsa.

TEKKIT DA / TABIDYUTT N HICHAM ABOUD