Sofiane Mohdeb : Akken kan d-yeffeɣ deg uxxam n teɣdemt refden-t ijadeṛmiyen !
Ass-a i yɛedda umeɣnas Sofiane MOHDEB, deg axxam n teɣdemt tazayrit, send imi yettwaṭṭef deg beddi i d-yellan 12 yulyu yezrin, ar yidis n imeɣnasen n teqbaylit yetwasnen am Buɛziz At Cebbib, Ḥemmu At Bumdin d Bussaɛd Bica d wiyaḍ nniḍen. asmekti kan taɣdemt tazayrit teṭṭef-as 6 n waguren n useḥbes nebla ma yesɛeddaten-id d leɣṛama n 100 000 DA.
Akken kan i d-yeffeɣ Sofiane deg waxxam n teɣdemt, wid i t-yettṛijun s ccuq ur ten-ǧǧin ara ijadeṛmiyen izayriyen ad feṛḥen s userreḥ-ines, imi yettwarfad sdat tewwurt n teɣdemt srid ar wexxam n ijadeṛmiyen n Buhinun, tarbaɛt n unadi d isallen. D tamsalt i yestḥiyṛen akk wid yettṛaǧun Sofiane.
Isallen ineggura i d-yewḍen ɣer-neɣ, ladɣa sɣur imastanen-is, belli d tamsalt n yiwet n tbideyyutt yexdem yakan Sofiane deg ussan yezrin, mgal isalli n bennu n lkaziṛna n ijadeṛmiyen deg Buzeggan deg “LUḌA”. Amastan Sofaine Dekkal yenn-ad belli d tamsalt yerzan axxam n teɣdemt n yeɣrem n IƐezzugen, mači n Tizi-Wezzu.
walit deg tuqqna-ya tabediyyutt d tasgilt deg TQ5, deg d-yemmeslay Sofiane ɣef temsalt-a n lebni n lkaziṛna n ijadeṛmiyen.
Sofiane Mohdeb: ” Il n’est pas question de construire une brigade de gendarmerie dans notre village”
