MAK : Yeskaddeb s wudem unṣib tikerkas n udabu azayri d tiliẓṛi-nes !
Yeskaddeb s wudem unṣib MAK (Amussu n wefraniman aqbayli), tikerkas n udabu azayri yesseqdacen akk allalen n uwanek akken ad sneṭḍen kra n wammus ara yefken anzi ar rebrab i wmussu-ya n timunent n teqbaylit. Imi Deg walɣu n tɣellist taɣelnawt tazayrit, tessawḍ-ed belli ugar n 17 n iɛeggalen n MAK yettheggin ẓẓedmat timselḥin, ttwaṭṭfen sɣur iserdasen izayriyen.
MAK, yerra-d deg yiwen wulɣu i d-yessufeɣ belli amennuɣ-ines ” d amennuɣ s wudem n talwit ɣef tlelli n tmurt taqbaylit”, amussu-ya ilul-ed deg useggas n 2001 send tafsut taberkant, anda ijadeṛmiyen izayriyen qeṛṣen ɣef wegdud aqbayli, ayen d-yeglan s tmettant n 128 n yeqbayliyen d teqbayliyin. Deg wass-mi d-ilul umussu-ya werǧin i yefren amennuɣ s yiɣil, neɣ s dreɛ.
Deg walɣu d-yessufeɣ MAK ass n lexmis yezrin yenna-d belli ” Anagraw (système) azayri yebɣa ad yessames udem n tmurt taqbaylit d wudem n MAK, akken ad yessettu tiffeṛɣi yiga deg useddu n tmurt tazayrit d iɣerfan yettidiren deg-s”. Ass-a leḥbus izayriyen ččuren d imeɣnasen iqbayliyen, ama ttekkin ar MAK neɣ llan mgal-is, ur yecliɛ-ara adabu azayri, acu yettxemmim weqbayli, ayen t-iceɣban imi kan yella d aqbayli.
Xas ulamma lkuca n srabes n lezzayer tessewway-ed yal tikelt asaru akken ad ssamsen iqbayliyen d tikti n tlalit n uwanek aqbayli, maca leǧnas n umaḍal ulac win sen-yefkan azal neɣ awal aya yusa-d imi deg tama, iban wufrik, imi d lekdeb imzennax acbayli yeṛṛez zzit tɛelleq. Deg tama tayeḍnin, d udem n wegdud aqbayli n talwit d tlelli i snen akk yeɣlanen n umaḍal, ɣef waya ulac win ara yamnen adabu azayri, yennumen deg wammus d tikerkas.
