Ilmend n umulli wis sin lḥirak ambarek akken id-as-seman wat udabu.Akabar n Ɛebdlqader BENGRINA “el binaa elwatani” d wini d-yexdmen anejmuɛ deg temdint n WAHRAN i wumi yessawal “i webdel s laman” anda ulacakk amek ara yamen wumdan neɣ aregaz asertan yesnen amek ttedunt temsal s way-agi.
Akken nnuɣ tanumi BENGRINA i d-ibden ɣer tefranin tiselwaniyin n 12 dujember 2019 anda i yɛedda uselway-a n tura TEBOUNE d win d-ibgnen i tikelt tis meyya lekareh-ines mgal kra yellan d Aqbayli mbla axezzur ɣer tmuɣliwin-ines tisertanin, iḍeli seg wahran tamanaɣt n umalu Azzayri anda id-ywwet s lqseḥ ɣef yeqbayliyen yenna-d d akken “ur zemiren kra n yimdanen i yesɛen tamuɣli n taddart ad ḍbren deg uzekka n tmurt” dagi yebɣa ad yerr lwelha ɣer tmurt taqbaylit i yetwali d widak i yebɣan am yal tikelt beṭṭu n tmurt d wayen akk is-yettmcabin.
Xas akken ass-a d igiman n yeqbayliyen i d-yetfɣen ɣer tikliwin di kraḍ (03) n temdinin-is timeqranin TUBIRET,TIZI WEZZU d BGAYET ttsuɣun u sawalen s tutlayt n taɛrabt ayen akk i yettlaɛi umussu-yagi aɣerfan i d-yebdan si XERRAṬA am “ddawla madanya mačči ɛskarya”, “yetnḥaw gaɛ” d waṭas-nniḍen maca dima aqbayli ur yeslik ara seg isertanen-agi yeččwačen s tedyulujit mgal Iqbayliyen d wayen akk yeqnen ɣur-sen.
I wesmkti kan Bengrina d win i yellan u yettilin dima mgal ayen yerzan akk tamagit tamaziɣt s umata seg wannay ar tiktiwin n timanit d timunent tɛediḍ akkin aya akk nebla ambiwel n imagdayen d yimussnawen izzayriyen i wakken am ahat ad t-rren ɣer lḥed-is.
