Tuɣalin ar tedyant d-yeḍṛan ussan-a deg tugin n temzikkent n wedlis « TAFASKA N TƔURI », i ylaqen ad tili deg ussan n 28 d 29 Bujumber 2021 yezrin, deg tesnawit ṬAWES AMRUC deg tama n Sidi Ɛic deg ugezdu n Bgayet, i d-tettheggi taddukla tademsant « Soummam Eco-culture ».
Ilaq ad tezṛem belli, tafaska-ya tettwemneɛ iḍ n beddu-ines, tanmehla n yedles n Bgayet ur d-mud ara ula d sebba tamecṭuḥt ɣef miḥyaf-a ur nesɛi ara anamek. Ama d taɣiwant, ama d imdebṛen yemgaraden yellan ɣef yixef n Sidi Ɛic d wid yeslan ɣef Tfaska-ya u yerna qeblentt yakk nebla leɛḍil. Ayen d-yettbegginen belli wid yugin tameɣra-ya n wedles d wid yellan ɣef uqerruy n lezzayer.
Acimi adabu azayri yugad taɣuri deg tmurt Taqbaylit ?
Mači d tikelt tamenzut deg adabu azayri ad yagu ad ilint temliliyen n yeqbayliyen d teqbayliyin ɣef tɣuri d wedles. Acku imeḍqan-a uɣalen d iɣerbazen n wegdud anda yezmer ad yaf tamusni d tusna yettellin allaɣ, yessiriden tikta yesluɣ lakul d tilizri d leǧwameɛ n udabu azayri.
Adabu azayri yezṛa belli tifaskiwin n tɣuri d taqerrabt n tesnektit taɛrabt-tisneslemt tin yettarran igduden d iɛebbaḍ yelluẓen d wallaɣen yedrɣlen.
