Ass-a n 25 Fuṛaṛ deg yeɣrem n Bgayet, 9 n imeɣnasen ad ɛeddin sdat creɛ azayri, ad ttwasteqsin ladɣa ɣef timmuɣnest-nsen. Gar-asen llan imeɣnasen n timunent n tmurt taqbaylit, ayen ara yeǧǧen creɛ-a ad yeddem udem nniḍen.
9 n imeɣnasen, gar-asen ameɣnas acawi ahat ɣef wayeg ulac atas n umeslay wagi d Yassine Ben Abderrezak ( azenzar), i d-yusan deg ugezdu n Tbessa, maca am netta am 8 yemdukal-is iqbayliyen, taɣdemt tazayrit tetabaɛiten s uneɛṛuḍ n usenquqel n tdukli n tmurt tazayrit, asiwel ar usuddes n wegraw ur nesɛi leslaḥ.
Tuḥsift-a ɣef wayeg i ten-tetabaɛ teɣdemt tazayrit, d tamsalt taqburt yeḍran deg useggas n 2016, asmi imeɣnasen-a d waṭas-nniḍen fɣen-d ad bedden ar yidis n umeɣras Kamal Ddin Fexxar, yellan yakan deg 100 n wussan ɣef unegzum ɣef učči.
Mass Kamel Ddin Fexxar, yekcem tikelt taneggarut Ar lḥebs deg 2019, anida yettwanɣa deg tugnitt yefren, taɣdemt tazayrit turar-itt teɛẓeg tedderɣel, sdat lbaṭel yexdem uwanek azayri mgal mass Fexxar, ulac acu i d-ufa ala akraf n 9 n imeɣnasen, n izerfan n wemdan i bedden s wezday n lqed ar yidis n izerfan d tlelli n wemdan.
Anwi 9 n imeɣnasen-ayi :
– Abdrezzak Yassine
– Redha Hemchache
– Larbi ouhioun
– Abderezzak ouissa
– Mensouri Djamal
– Djenadi Farid
– Bouchalal Zahir
– Lahsen Bousaid
– Herour Djamal
