Ddurt taneggarut send aɣurru n 12 yunyu i d-iteddun, udmawen n tidett ttwafeḍḥen-d, nwayat n yal axsim iban-ed am tafat n uzal, gar aseglef n yiḍan izayriyen ɣef wayeg i senned udabu ama d isenselmen am Bengrina d MAKRI, neɣ d iqeffafen n weɣlan azayri am Benzaime, d lexdiɛ n wid nenwa d imawlan n yiseɣ, ladɣa kra n iselmaden n tmaziɣt i d-ibedden ar tefranin neɣ ladɣa Wahab Ait Manguellet mmis n win yefkan tudert-is ɣef teqbaylit akken ass-a ad yezzenz-iseɣ mmi-s.

Adabu asnaraf azayri i gezm-itt deg rray ar ɣur-es tefra, ilaq ad ɛeddint tefranin n 12 yunyu-ya s dreɛ neɣ s lxir, ma d tamurt taqbaylit ulac fell-as yakan i hegga-d win ɣef wayeg ara yesfeḍ lmus ma yella ulac tifranin ayen ara yeḍrun d ayen ibanen. Ynna-yas imi yerra MAK d tudsa tarebrabt.

Ladɣa ayen i d-yules deg tedwanit i mud send-iḍelli i weɣmis afransi ” Le poin”, akken rray afransi ad izeṛ belli anabaḍ aqbayli yerfed deg rtebbi-s d tudsa umi yessekker ṭrad Teboune. yenwa s waya, ad yizmir ad ttyessekker deg tmurt taqbaylit deg wakud ma yella yeffeɣ-d am yal tikelt “0 Vote en Kabylie”.

Ayen yuɛren deg ” Double Xuṭṭa” n udabu asnaraf, d akken mači d tusna n ubelkim, annect-a n lkerhegga, i wumi nsel sɣu i zayriyen, ɛinani tabelɛinant deg tiliẓẓṛiwin d ayen ara d-yeǧǧen cwami annectilat-ent. Ayen yettmeslay ass-a Bnegrina deg Tiliẓriwin Tizayriyin, ahat azal n 10 n iseggasen ar deffir yella d ameslay kan deg seddew lqaɛqa n lkaẓirnat n srabes n DRS.

Ass-a nettwalit ula deg wudem n ” tarbaɛt taɣelnawt tazayrit” : tira s taɛrabt, aberreḥ taṣebḥit tameddit belli d ilɣuɣen aɛraben, ssenǧaq n palestine, wiga akk d ayen yerran ula d wid yellan ttmettaten ɣef lezzayer seg leqbayel ad ɛaden axemmem. Ayen i ḍerrun i JSK deg yal tikelt m ara tinig deg wakal azayri, d wayen akk umi nsell d iniyen deg tiliẓriyin tizayriyin ama d Cengriḥa aneɣlaf n yigen azayri, neɣ d Teboune aselway n izayriyen d unabaḍ-is.

Iqenṭaren agi n lkerhegga d tismin, azekka yezmer ad uɣalen d ikufan n tebɣest i wegdud aqbayli akken ad yekker ad yezwi ɣef uzagur-is ddel n temhersa taɛrabt-tisneslmet.