Wissem, tella gar imeɣnasen n teqbaylit yesseḥbes udabu deg 22 Magiu yezrin deg yeɣrem n Weqbu, deg ass-en taɣdemt tazayrit, tessuffeɣ-d rabul n useḥbes-ines de tiririt-ines ar lḥebs. deg weḍris-a tiqbayliyin d yeqbayliyen ad gzun, anwi udmawen yiferren udabu asnaraf adiktaturi azayri.

Wissem Nasri, tameɣnast n teqbaylit tilemẓit, imi ala 23 n iseggasen deg tudert-is, gar kahinat n wass-a, tin yettnaɣen s tezdeg d tegzi, ɣef teqbaylit: Akal, agdud, tilelli. D yelli-s n IBEṚBACEN, melmi kan i d-tewwi akayad n tjenyuṛt deg tiliktṛunikt ( Master 2), deg tseddawit n Bgayet. Wissem, diɣen d tanazuṛt, i ḥemlen Amezgun s wayen akk tesɛa deg leǧwarḥ-is d aḥulfu, d tin i tewlen imi mači aṭas-aya i d-tewwi araz n tnazurt yufraren, deg webṛaḥ n umezgun wis semmus, win umi qqaren ” TFASKA N UNELMAD”, i d-hegga tiddukla tadelsant n leqdic n yelmezyen ( ACAJ).

Wissem, tetwassen daɣen ɣef umennuɣ-ines i lmend n izerfan n tlawin, d tin i refden yal amennuɣ n talwit d tegzi d tugdut, nebla ma teṣgeɛ imdanen s timmuɣnest-ines, afus-is ur yettergigi ara maca werǧin tettḍurru wiyaḍ s tektiwin-ines, yakk wid ttyesnen ad inigen aya fell-as, ur tetteddu am lexyal, ur telli d taɛkemt. Asmi d-kren i xeddamen n Numilog, ad cetken ɣef westaxxer-nsen seg xeddim, Wissem, tbed ar yidis-nsen, telḥa yid-sen, mači d yiwen neɣ d sin i yettmektin tameɣnast-nni i bedden ɣersen am yimi tezdi lhem i d-yeɣlin fell-asen.

Wissem, timseḥbibert n tudert yettekkin deg croisson-rouge azayri, imi kan tusa akked yemdukal-is ass n 22 Magu akken ad rren tajmilt n wesmekti i yiwet ger tgejda n teqbaylit wagi d Masin Uharun, tettwaṭṭef, tettwakref tura tamharsa taɛrabt-tisneslemt, tebɣa ad ttyerr ar lehbas-is yumsen ! atnah anwi i d irebraben deg tmuɣli n udabu azayri, TANAZURT, TAMDANT, TANELMADT, umi yeččur wul d tayri, tegzi d leḥmala n wegdud d tmurt taqbaylit.