TAMURT N IMARAT TEGZEM ANEKCUM AR WAKAL-IS I WID YESƐAN IMSINEG AZAYRI
Tamurt n imarat tegzem anekcum ar wakal-is i wazal n 13 n tmura, anda i d-tedda lezzayer, ayagi d isalli ara yesneḥcmen taneɣlaft n beṛṛa, send imi taneɣlaft agi tga-d alɣu s wudem unṣib anda i teskaddeb annect agi.
Ihi s wudem unṣib abrid agi i d-ger tmurt n imarat, alɣu n wegzam n unekcum i wid yesɛan imsineg azayri, am nettat am kra tmura nniḍen gar-asent : SURYA, LUBNAN, IRAQ, TUNES, LIBYA, YAMEN, ṢUMAL, IRAN, ṬURK, AFGANISTAN, PAKISTAN D KINYA.
Aneɣlaf n beṛṛa ABDELLAH BEN ZAYD id-yemmeslayen ɣef temsalt agi yessenteḍ ɣef wenfafed n waṭṭan agi n COVID-19, ihi tura s wudem unṣib ulac win ara k-yinin d tikerkas neɣ d aqesseṛ.
Akken teẓram, isalli yagi yeffɣ-ed yakan deg tɣamsa tazayrit d tbeṛṛanit, ayagi i ɛeddan, ayen i d-yessekren lɣiḍ n izayriyen wid i ḥesben iman-nsen d iɛṛaben, dɣa taneɣlaft n beṛṛa tazayrit s wudem n BUQADUM, yeskaddeb-ed isalli agi,anda i d-yenna :” isalli agi d tikerkas, werǧin ad yili yusa-d sɣur adabu n tmurt n tgeldunin tiɛrabin yedduklen, wid i d-yezzuzuren tikerkas agi ur bɣin ara ayen yelhan i lezzayer”.
Akka tura, d ibeqqis i wdabu azayri yerran imdanen d igerdan ur nessin ara ayen i sen-yelhan, tettuɣal tmurt ṭṭfen d tamellalt n leɛcur tettwaɛzel tegra-d weḥdes.
