Kra n twalafin n udeffal assa di tmurt n leqbayel.
ameghnas.1980@gmail.com
Deg iḍ n 25 uk d tsebḥit n 26 duǧember, ɣlin-d kra iḥedran n udfel di tqucac n tmurt taqbaylit ig-εeddan 700 n lmitrat (mètres).
Adfel yessa azal n 5 isentimitren di temnaḍin anda tattuyt (altitude) tεedda 1000 n lmitrat, tewweḍ ar 20 isentimitren anda tattuyt tεedda 1300 n lmitrat.
Nezmer ad n-ader kra n timnaḍin neɣ tudrin anda yessa : At Iraten, Micli, At Ziki, Ǧeεfra, Derna, Adekar…
Kra n wid iqublen ǧerǧer, assa ttwali-t s wudem-is n tegrest, am yal sseggas yesleɣ d acebḥan.
Nessaram mačči tikelt tanegarut deg aywet udfel di tagrest n 2020/2021, imi di tin iεeddan ur d-ɣlin ara atas n waman, almi ɣilen imdanen tawaɣit. Akka xerttum ad swen yemɣan, ad čaren isaffen yak ad qwun-t tliwa.
