Tasɣunt ameɣnas, deg uṭṭun-is wis 6, terra tajmilt i MUḤYA.
Tasɣunt AMEƔNAS, d tin yettaẓen ar zdat, xas akken ddac ddac. D uṭṭun wis sdis yekfan ass n 7 Dujember yezrin, maca ur yettwazuzer ara ɛad deg tmurt taqbaylit, imi akman id-yeɣlin d win ikerfen tudert.
Deg uṭṭun agi, tuɣal tejmilt i Muḥya, argaz, anazuṛ, ababat n umezgun aqbayli, d ubabat n tsuqilt. Maca am yimi akken tuɣem tannumi, deg uṭṭun agi deg tazwara-s ar tagara-s, neɛṛeḍ ad nerr tiririt i westeqsi id-nmud, win id-yeqqaren : « Acut wazal tesɛa tsuqilt deg lebni n uḥulfu aɣelnaw aqbayli ? ». Tasuqilt d nettat i d taṛekkiṭ tamenzut deg tulya n yedles aqbayli ar umaḍal s timmad-is, d ṭṭaq i deg ara tḍil teqbaylit ar idelsan nniḍen, imi aẓeṭṭa n idelsan d netta i yettessun leḥrir i tdukli n yegduden.
Deg uṭṭun agi diɣen, ad tafem ameslay ɣef izerfan n tlawin d tudert-nsent deg tmeti taqbaylit, ameslay diɣ ɣef tdamsa d taywalt tasertit d waṭas n tuffirin.
nessaram deg tagara d uṭṭun ara d-yeglun s nfeɛ i yemleẓyen d telmeẓyin n tmurt taqbaylit, imi tagi d tasɣunt n yal aqbayli anda ma yella.
