Gayed Saleḥ aseggas membaεd lmut-is.
Iḍeli 23 duǧember 2020, aseggas seg wasmi iyemut umenzu n tserdast n lzzayer Gayed Saleḥ. Yella ɣef uqerru n iserdasen si 2004 almi d asmi yemut ass 23 duǧember 2019.
Lmut-is tella-d kra n wussan kan seg wasmi yuli Tebbun, d aselway n lzzayer. S wudem unṣib nan-d d lmut rebbi igemut, maca llan wid id-yeqaren, d yiwen seg igrawen n tserdast igellan mgal ines it-yenɣan.
Atas n izayriyen ig-ḥeznen yerna ttrun ass n 23 duǧember 2019, imi ttwalin d akken d netta ig seḥbabren ɣef ugdud azzayri si 22 di furar almi d asmi id llant tefranin n 12 duǧember 2019.
Iqbayliyen si tama nsen ur ḥzinen ara, imi Gayed Saleḥ isbegned iman-is di tallit nni n “Hirak” d aεdaw nsen. Ilaq ad nesmekti d akken argaz agi isekcem ilmeẓyen iqbayliyen ɣer lḥebs, imi refden anay Amaziɣ di temdint n lzayer.
Assagi aṭas n izzayriyen ig-ttwalin Lgayed d argaz ameqran yuklalen leqder am netta am imeqranen n tmurt. Maca iqbayliyen ur teḥmilen ara, yerna tt-walin-t d aεdaw nsen ilebda.
