FFS : Yekker imenɣi gar imdebṛen iɣelnawen d imeɣnasen n Tizi-wezzu
Deg temlilit i d-yellan iḍelli 4 Meɣres deg wegraw n tamiwin, win yerza imeɣnasen n tmurt taqbaylit, yekker wahṛaḥu gar imeɣnasen n FFS n tmurt n yeqbayliyen akked imdebṛen iɣelnawen ladɣa amaray amatu Mass Awcic, ineggura-ya yerzan Ar Teboune deg waxxam-is n Muradeyya.
D ayen nettraju, xas ulamma imdebṛen iɣrlnawen n FFS, ur bɣin ara adamnen belli ahat d nutni i d tasebba ɣef tlalit n iceqqiq ara d-yeglun s wegrurej n wexxam i d yebna Hocine Ait Ahmed deg seggas n 1963.
Imdebṛen n FFS, rzan ad zren aselway n lezzayer deg 14 Fuṛar yezrin, ayen i d-yettbegginen Ar waṭas n imeɣnasen n ukabar-a ladɣa deg tmurt taqbaylit, belli FFS yezzenz tamsalt. D lexdiaɛ-nni n 2002 i yebɣa ad iεawed deg 2021, deg umuli wis 20 n tefsut taberkant.
Timlilit n yiḍelli tezzakan-d belli Tamurt taqbaylit d tin umi yeddukel wawal, s unegzum n yakk tifranin tizayriyin deg wakal aqbayli alamma yella-d wemsegzi gar yakk iqbayliyen ɣef yiwen wawal d yiwet n tikli.
