Send tagara n tikli, deg webrid n tuɣalin, tella-d teɛdeyya d teɣrit ɣef tmeɣnast n teqbaylit Tilelli Belabbas sɣur kra n imssulta izayriyen beṛṛa n yeɣrem n Makuda, ayen i tt-yewwin ar sbiṭer akken ad texdem anadi deg tfekka-s, ayen ara d-yezzaken tewlift i d-nhegga i demma.
Ɣef leḥsab n umejjay i yesɛeddan anadi ɣef tfekka n Tlelli, yeḍḥa-d s wudem asnan, belli tečča tiɣrit muqqren ar yedmaren d uɛebbuḍ, ɣf waya i yessuter umejjay ugar n unadi s radyuwat n uɛebbuḍ d wammas.
Tameɣnast Tilelli, d imezdaɣ n tama-nni deg tettwawet i d-yibedden ɣur-es d nutni i tt-yessawḍen ar sbiṭeṛ, anda tesɛedda ɣef ufus-is d wefwad-is, tiɣrit-a tečča tezzakan-d, lkerhegga n udabu azayri yesseqdacen takriṭ deg yal tiklet deg wudem n imeɣnasen n teqbaylit yessuturen tilelli n lwennas Hemzi, yettwakerfen s lbaṭel deg lḥebs n Qliɛa deg 8 Tuber n useggas yezrin.
Atɛeddi ɣef imeɣnasen yettasen ar Makuda akken ad bedden ar yidis n Lwennas Ḥemzi, d ttawil i d-ufan imsulta izayriyen akken ad ṛzen aḍu n tdukli i d-teslal temsalt n Lounes, tin yettimɣuren deg wass ar wayeḍ mači kan gar iɛeggalen n twacult-is tameẓyant neɣ n twacult-is tasertit, maca yessaweḍ ula ar wul d yilsawen s tigawin-nsen n waṭas n isertanen am ladɣa RCD d waṭas n wudmawen-nniḍen xas ur llin ara deg webrid n timunent n tmurt taqbaylit.
Je vais partager avec vous l'extrait d’un texte d’Albert Camus, qui s’intitule « Un appel…
Si prompte à juger et à "condamner à mort", et en appel svp, de jeunes…
Nous publions l’intégralité de droit de réponse à l’agence France-Presse produit par le collectif Action…
"Le réel s'inscrit en négatif des apparences." Il y a de cela 3ans, Mohamed…
Le Kabyle n'admettra jamais l'idée qu'un militant politique quelle que soit sa cause peut être…
Lounes Amrane est l'une des figures de la nouvelle génération de la chanson Kabyle. Comme…