agression d'une militante après son retour de la marche de makouda en soutien a lounes hemzi
0 3 minutes 3 ans

Iḍelli tella-d tikli n ibeddi ar yidis n Lounes Hemzi, deg yeɣrem n Makuda. Tikli i ɛeddan deg tegnitt igerzen, deg talwit d tegmatt, usan-d yeqbayliyen deg ukkuẓ n tɣemmar n tmurt taqbaylit, maca am yal tikelt iqbayliyen d teqbayliyen ladɣa imeɣnasen n teqbaylit d wid ɣef wayeg yettili leḥṛis.

Send tagara n tikli, deg webrid n tuɣalin, tella-d teɛdeyya d teɣrit ɣef tmeɣnast n teqbaylit Tilelli Belabbas sɣur kra n imssulta izayriyen beṛṛa n yeɣrem n Makuda, ayen i tt-yewwin ar sbiṭer akken ad texdem anadi deg tfekka-s, ayen ara d-yezzaken tewlift i d-nhegga i demma.

Ɣef leḥsab n umejjay i yesɛeddan anadi ɣef tfekka n Tlelli, yeḍḥa-d s wudem asnan, belli tečča tiɣrit muqqren ar yedmaren d uɛebbuḍ, ɣf waya i yessuter umejjay ugar n unadi s radyuwat n uɛebbuḍ d wammas.

Tameɣnast Tilelli, d imezdaɣ n tama-nni deg tettwawet i d-yibedden ɣur-es d nutni i tt-yessawḍen ar sbiṭeṛ, anda tesɛedda ɣef ufus-is d wefwad-is, tiɣrit-a tečča tezzakan-d, lkerhegga n udabu azayri yesseqdacen takriṭ deg yal tiklet deg wudem n imeɣnasen n teqbaylit yessuturen tilelli n lwennas Hemzi, yettwakerfen s lbaṭel deg lḥebs n Qliɛa deg 8 Tuber n useggas yezrin.

Atɛeddi ɣef imeɣnasen yettasen ar Makuda akken ad bedden ar yidis n Lwennas Ḥemzi, d ttawil i d-ufan imsulta izayriyen akken ad ṛzen aḍu n tdukli i d-teslal temsalt n Lounes, tin yettimɣuren deg wass ar wayeḍ mači kan gar iɛeggalen n twacult-is tameẓyant neɣ n twacult-is tasertit, maca yessaweḍ ula ar wul d yilsawen s tigawin-nsen n waṭas n isertanen am ladɣa RCD d waṭas n wudmawen-nniḍen xas ur llin ara deg webrid n timunent n tmurt taqbaylit.