Sofiane Ouali : Yiwen ger ibugaṭuten n imeɣnasen n timunent, ad i ɛeddi deg creɛ ass deg ara ttwacarɛen !

Ad ttwehmeḍ neɣ ad tcakteḍ ! Sofian Ouali amastan, yettekkin deg wegraw n imastanen yettdafaɛen ɣef 9 n imeɣnasen n timunent n tmurt taqbaylit n tama n Bgayet, wid ara i ɛeddin sdat creɛ ass n 25 Furar deg nella, jbedn-as-d tamsalt n 2018, asmi yella d aselway n tidukla tadelsant n taddert n Wizran, taɣiwant n At Rzin, tin umi semman ” ITRI N TLELLI”.

Ayen yessewhamen, akken tamsalt-a is-d-jebden ad i ɛeddi fell-as deg creɛ, ass n 25 Furar deg nella, meḥsub deg yiwen wass akked d 9 n imeɣnasen n timunent, yef wayeg i bedd d amastan.

Adabu azayri, yenwa s temsalt-a i d yejbed i Sofiane Ouali, ad yessaged ibigaṭuten-nniḍen i bedden ar yidis n 9 n imeɣnasen n timunent i tmurt taqbaylit, amahat ad ten-yeǧǧ nebla imastanen nebla wid ara i bedden ɣer-sen akken ad yeg rray-is ass n creɛ, maca ur yessin ara tabɣest n imastanen iqbayliyen, imi werǧin ad knun i tkerkas n udabu neɣ ad uɣalen ar deffin deg umennuɣ-nsen ilmend n izerfan n wemdan d tlelli n tekti d umeslay.

Tamsalt n Sofiane Ouali akked Amara Athmane !

Akken i d-nenna yakan, amenzu d aselway aqbur n tidukla tadelsant “Itrin n Tlelli”, wis sin ara ass-a d imdebbeṛ n tedrimt deg tiddukla, taɣdemt tazayrit tessufeɣ-asen-d lkarṭa ilmend ” Atɛeddi ɣef talwit n lmegget, d usekfel n tfekka-ines, send akin anṭal-ines nebla beqqu n tedbelt/administration”.

Deg sebtar n Facebook n umastan Sofiane Ouali, yessegza-d, belli acetki yagi ur yesɛi ara lsas, imi asekfel n tfekka ɣef wayeg d-temmeslay teɣdemt tazayrit, d yiwen n umeɣras n tegrawla mgal fransa umi gan taqubbett send asuter n twacult-is s lemcawra n tudrin terza temsalt, ula d imsulta ḥedren asmi teḍṛa, ugar n isallen ad ten-tafem deg cuddu-ya : https://www.facebook.com/100024263569605/posts/885740045578106/?d=n