Karim Ɛekkuc d amyaru aqbayli yettarun s tutlayt n tefransit, yessufɣ-d aṭas n yedlisen s tefransist s wazal-nsen, d imarkantiyen, win i ten-yeɣran aṭas n temsirin d tmusni ara d-yagem, yerna aswir-is deg tutlayt n tefransist d win ara yennernin , yetwassen s umennuɣ ɣef talakt mgal isenselmen.
Ungal-is aneggaru i wumi yefka azwel “Déflagration des sens”, igerrez s tussda, aṭas i tyeɣran nnan-d akka ackit, yenza s waṭas.
Ungal-a yettmeslay-d ɣef liḥala n win yettidiren di tmurt n lezzayer anda tilelli ulac, seg tama, d tineslemt udabu seg tama-niḍen d timetti yeṭṭfen deg wansayen i ɛefsen ɣef izerfan d tlilliwin.
Ilemziyen yettilin deg tmurt-a, ffuden tilelli, imi rran kulec d leḥram kulec d lɛar, ula d tayri d lɛar, bɣan ad idiren am medden akk n umaḍal.
Karim ɣef anect-a i d-yemeslay s waṭas, yessawal-d akken ad ǧǧen ilemẓiyen ad idiren, ad inin ayen i ten-iqerḥen, yessawel-d daɣen aken illemẓiyen ad rẓen asalu ad inin icaṭ meḥyaf agi.
Karim Ɛekkuc mačči d win yesɛan tilisa deg tira, yura-d ɣef wussaɣan gar yemdanen, yenna-d timeti d tin yuḍnen, yenna-d ayen ur nezmir ad nini deg tmeti-nneɣ imi ǧehden leɛyub.
Ungal-a yewwit-id ɣef yiwen i wumi semman Kamel Suṭra, Kamel Suṭra agi yesɛedda acḥal war axeddim, yewen teṭṭrit-id tegnit yuɣ-d lkaṛ d amecṭuḥ ixeddem seg-s, acu kan kra wussan, axeddim yenɣes, yerra-t d ttberna anda d-ttawin xeddmen tuzuft, acu aneggaru agi wten deg-s s leqseḥ at ičumar, imsulta bɣan ad as-tekksen, i wkken ad yeslek iman-is irwel ɣer Seḥra.
Ungal-a, ,nezmer ad nini akken amyaru yessegz-ad asirem n wegdud anda yettargu tilelli d tudert, acu kan targit-a kessen-as-t, imi yuɣal ur yeẓri ara anda iteddu.
Ayen yura: Lettre aux soldats d ‘allah – Chronique d’un monde désorienté, édition Frantz Fanaon ,2018. La religion de ma mère, romain, edition, Frantz Fanon, 2017 Allah au pays des enfants perdus, romain, édition, Frantz Fanon
Je vais partager avec vous l'extrait d’un texte d’Albert Camus, qui s’intitule « Un appel…
Si prompte à juger et à "condamner à mort", et en appel svp, de jeunes…
Nous publions l’intégralité de droit de réponse à l’agence France-Presse produit par le collectif Action…
"Le réel s'inscrit en négatif des apparences." Il y a de cela 3ans, Mohamed…
Le Kabyle n'admettra jamais l'idée qu'un militant politique quelle que soit sa cause peut être…
Lounes Amrane est l'une des figures de la nouvelle génération de la chanson Kabyle. Comme…