« Dda Sliman izem n tizza, ma yif-it Deryasa neɣ wid Yellan d cmayet ». Tajmilt-agi n Lwennas temmal-ed azal n unaẓur agi ameɣlal d lbaṭel iɛeddan fell-as.
Dda Sliman d yiwet ger tgejda n yedles aqbayli d yedles amaziᵧ s umata. Yerẓa-d asalu i Feṛḥat, Lwennas, Lewnis d wiyaḍ imi d netta i d amenzu i-yecnan tasertit. Anwa ur nesli s tizlatin-agi : Effeɣ ay ajṛad tamurt-iw, Baba ɣayu, Tlata yeqjan, a wid ijebbden leqlam, ɣef teqbaylit yuli wass , La carte de résidence, d nukni i d nukni … Deg-sent ad naf amezruy-nneɣ, tilufa nettidir, tisiram-nneɣ, tinekkit-nneɣ, …
D amezwaru i d-yennan s usefru : “ifuḥ nnefs-ik ay izem “. Yenfa-t udabu azzayri amharsan acku awal-is iteqqes, issakay seg-yiḍes. Yugi tasusmi. Awal-is yeqqaz irennu, yeskaray-ed asirem i s ara nerreẓ azaglu.
Dda Sliman d aɣerbaz n Teqbaylit. Nelmed-ed di tmedyat-is azalen yessidiren amdan.
« A wen iniɣ a Leqbayel, Anwa i d mmi-s n Laṣel, d win yettḥezziven i nnif-is ». Ihi win ur nesɛi nnif d aɣilif.
« Lemmer ad nemjaz ad neɛdel, ṛṛay-nneɣ ad yeddukel, yal wa ad as-ed yeḍher umur-is ». Agdud yedduklen ur t-yettruẓ yiwen.
« Ma nettɛemmid i lbaṭel, ad nuɣal ak am ṭṭbel, yal wa ad d-iheggi aɛrur-is ». Kennu yettarew-ed ddel. Ddel itessu-d i nger.
Deg wass n 28 yennayer n useggas n 1983, yewweḍ Dda Sliman anda ak ara naweḍ. Ulac-it yella. Xas tafekka-s ddaw wakal, isem-is yeqqim-ed deg-umezruy am uɛeqqa yessawalen. Ad yessawal i tlelli, i tegmat, i tudert n Teqvaylit. « La nettɣenni nfeṛṛeḥ, simmal la d-yettban ṣṣaḥ, ɣef Teqvaylit yuli wass». D wagi i d izen-is aneggaru.
Akken i t-yeqqar deg-wawal-is : Lbaṭel rẓag yisem-is, ma ifat yewweḍ ɣer lḥed-is, ur yettdum ula ɣef yiwen ». Akken ad d-neffeɣ ɣer telwit, yiwen webrid i-yellan : d-Taqvaylit. Taqvaylit d-tagmat, d lemḥadra d lemqadra, d-tadukli d-yettawin tilelli.
Ad yidir Dda Sliman.
sɣur Buɛziz u Cebbi (Bouaziz Ait Chebib).
Je vais partager avec vous l'extrait d’un texte d’Albert Camus, qui s’intitule « Un appel…
Si prompte à juger et à "condamner à mort", et en appel svp, de jeunes…
Nous publions l’intégralité de droit de réponse à l’agence France-Presse produit par le collectif Action…
"Le réel s'inscrit en négatif des apparences." Il y a de cela 3ans, Mohamed…
Le Kabyle n'admettra jamais l'idée qu'un militant politique quelle que soit sa cause peut être…
Lounes Amrane est l'une des figures de la nouvelle génération de la chanson Kabyle. Comme…