Ass agraɣlan n tutlayt tayemmat

Yecna Ferḥat ayen yenna Linin :” tutlayin am yimdanen kifkifiten-t deg izerfan” , yal tutlayt yerfed ugdud tufrar , tin terfed tyemmat teddar.

 

Ass n 21 furar 1999 yettwajerred deg tsuddut n l’UNISCO d ass n usmekti d useḥbiber ɣef wayen tettmeslay tyemmat.

 

Tayemmat taqbaylit gar tid yedmen amecwar yecban wa teḥrez agerruj n teqbaylit, s tmucuha d isefra timawit i wumi tefka azal muqren, akken yenna Masqueray fell-as :” tawellit taqbaylit maca kan d tin irefden axxam, d acu d tin yeṭfen urreɣ acḥal n tgemmiyin id iεeddan ur neǧla tutlayt-a “.

 

Γef yimi n yimussnawen n tesnilest abḥal Ferdinand De Saussure i d yefkan talallit i tesnalest tamatut :” yenna d akken tutlayt d anagraw ” d tin yeslḥayen timetti anecta yebda deg uxxam imi deg tyemmat id yebda waya.

 

Nekni s leqbayel ma yella ur tenneǧli ara tutlayt-nneɣ deg yilsawen, d tajmilt ara yuɣallen i tyemmatin deg yal tiɣemmart deg yal akud d wadeg.

 

Tameslayt-nneɣ d tamagit s timad-is, yal yiwen ad yerfed amur deg-s ad tufrar ad tidir ilebda. Deg tama n yal aqbayli yewjeb fell-as ad yeddem aya d issaɣ , yufa-d tameslayt ɣur-s d aqbayli s yiles, d acu yella wayen ixussen deg tallit deg id nugra, imi tayemmat texdem lwajeb-is s uselḥu n tnaslit mmi-s ad t-yerfed ɣef tuyat-is, ad imeslay s yes deg yal amkan s zzux d yisseɣ, ad tt-yaru, ad tt-yessqdec deg yal taɣult, ad as-yefk udem ussnan.

 

Tutlayt taqbaylit teddar daɣ s tmaɣnest telḥa deg waṭas n yiḥricen ama d win n tsekla, win n umezgun, win n yisura ….artg ,texdem ayen ur xdimen-t tutalyin yesεan afud asertan s ɣur iduba imhersannen, amecwar ad ikemmel imi d tayemmat i iwessan fell-as tarwa-s, d ilemẓiyen ara iceεlen taftilt n usirem tin n useḥbiber n tutlayt taqbaylit.

Bremtane Amimeur