Anmahal n lezzayer deg Fransa, yewwet-d s leqseḥ deg AFP, imi tefka awal i MAK

Anmahal n lezzayer deg Fransa, Mohamed-Antar Daoud, yemmeslay-ed deg yiwen n ṛabul id-yefɣen deg APS n lezzayer ass-a n ssebt, i ceyyeɛ i AFP, anda i d-yuɣal ɣef wayen i d-tura ussan-a yezrin, d tiririt n yemdebṛen n MAK i tkerkas n tneɣlaft n temḥaddit taɣelnawt tazayrit, i d-yesnulfan ɣef umussu-ya ” amussu n MAK yettheggi tixazabiyin mgal tanekra n yimezdaɣ n lezzayer…”. Ar wemnahal azayri, awal tefka AFP i Mak am yimi d afus n tallelt i tuddsa-ya akken ad tezreɛ tiktiwin-ines ger imezdaɣ n lezzayer.

Anmahal-a n Lezzayer, yewwt-ed s leqseḥ deg AFP, acku ar ɣur-es, ilaq ayen i d-yefɣen sɣur taneɣlaft n temḥaddit taɣelnawt tazayrit, d tidett ara tamen tɣamsa tagraɣlant s tuqqna n wallen. Yettu belli taɣamsa n Fransa d tilellit, ineɣmasen ifransisen ger ciṭ d waṭas sɛan ugar n tlelli deg nadi d uxemmem, mači am tugett n tɣamsa tazayrit yeṭṭafaren kan deffir, ttarun kan ayen yebɣa udabu, ma mgaraden yid-es d laẓ d leḥbas i ten-yeggunin.

” Ilaq ad nesmekti belli lezzayer, d tin muqqren s tirmi- ynes n wayen tedder, tezga tettbeggin-ed tazmert-ines ad tesseḥbiber ɣef tdukli n wegdud-ines d wakal-ines” d wigi i d awalen n wemnahal azayri,xas ulamma imdanen yakk yeṭṭafaren tasertit n tmurt tazayrit, ma nemmeslay-ed kan ɣef tnekra n 16 Furar 2019, taneggarut, anda nwala ifettyanen : Gayed Salaḥ, d Wassini Buɛezza, Ɛutman Belmilud, Lecxem d wiyiḍ, d nutni i d-yesnulfan asenfaṛ “0 kABYLES” , “ZEWWAF” , “DECṚA”, u d nutni i yerran ar leḥbas imeyyaten n yeqbayliyen d imaziɣen i refden anay amaziɣ.