Xerraṭa d yiwet n temdint i d yezgan deg usamar n tmurt taqbaylit, tebɛed s 55 ikilumitren ɣef waɣir n Bgayet, nezmer ad nini d nettat i tamnaḍt tanegarut i d-yezgan deg tlisa ger wid yessalen taɛrabt d wid yessawalen taqbaylit ar ass-a n wussan teṭef deg temeslayt n ljdud TAQBAYLIT s tentala-ynes icbḥen nezah i wumi ssawalen TASAḤLIT.
Tella-d d tamenzut i d-yekren mgal amenkcam arumi ,deg useggas n 1945 yakkan imezdaɣ n tama-yagi d wid i d-yeffɣen qecuc mecuc ar tikli i d-yessawalen i westaɛref n uwanek arumi ɣef timunet n lezzzayer mbaɛed mi yefra ṬRAḌ AMAḌLAN wis ssin, anda acengu d win ixdmen abaxix deg yimedaɣ-is yenɣa ugar n 45000 alef d amdan ,yettuḥsben ger temnɣa akk meqqren i d-yeḍran deg ddunit, u tekkin s imyaten n yimjuhad deg tgrawla n 54-62 anda arumi yettergagi mi ara d-yawweḍ ɣer idurar n UMELLAL d MEHIRA d wasif n UGARYUN.
Deg tenkriwin n tmurt mbaɛed timunent yettwakren XERRAṬA tella-d dima d tamenzut tefkad aṭas n yimeɣnasen d temaɣnasin i tnekra n ffs deg 1962,send akkin deg tedyanin n TUBER 1988, tamdint-agi tekred uqbel akk izzyeryen imi d-ffɣen deg yiwet n tikli ass n 03 tuber 1988 i wakken ad sutren abdel seg uẓar n unagraw lemaḥel-nni , tugdudt d tlelliyin timagdayin, send akkin i d-ḍfrent tamiwin-nniḍen.
ṭṭfen ar ass-a mgal asenfar usɛurbeb i yegan ad iwet tamnaḍt-agi imi nettat d tin iqerben aṭas ɣer ugzdu n seḍif yessawalen s taɛrabt laḍɣa imi sɛan aṭas n tuqna tadamsant ger-as d seḍif d ayen ara yesashlen aɛerb-ines macca imezdaɣ-agi d at tefnṭazit d at teqbaylit d at umzruy werǧǧin tezmer taɛrabt ad ɛeddi ɣer telisa-s.
Iseggasen tt-zrin,tt-ɛedayen aselway AZZEYRI deg 4 n tedwilin ƐEBDELAZIZ BUTEFLIQA d win yebɣan ad yer iman-is i tikelt tis 5 d aqerru ɣef tmurt-agi ,XERRAṬA am yal tikelt d nettat i d-yzwaren ɣer webrid deg ass n 16 furar 2019, tenfel temdint-agi ass-nni,imezdaɣ ssawlen ar uɣluy n unagraw s lekmal-is(seg uẓar),nnan-d ala i tefranin i d-yettheggi udabu, ala i tedwilt tis 5 n BUTEFLIQA. ɣef aya i d-tekkar yiwet n tnekra d tameqrant deg tmurt n lezzayer akken ma tella,teḍfred yiwet ger iḍḍuḍan n tmurt taqbaylit, deg yiwen umussu aɣlnaw i wumi ssawlen kra LḤIRAK ma d wiyaḍ tagrawla n wecmumeḥ.
Zzin-d sin iseggasen seg ass-nni i deg d-tekker XERRAṬA, ass-nni n telata deg umuli wis sin n tikli-nni, imezdaɣ-ines d wid i d-yeffɣen daɣen s tuget i wakken ad inin amussu mazal-it yedder mačči d leḥbus n udabu neɣ d anfafad n corona ara yesḥbssen tikli n wegdud ɣer tlelli-ines ,d imeyaten i d-yerzan si yal tama deg tmurt , adabu d win yergagin am yal tikelt deg yiwet ger tmura i yeṭṭfen deg teqbaylit-is d wansayen n umennuɣ n tmurt.
Amezruy d win ara yecfun ɣef timuɣnset-nwen ɣef tnekra-nwen mgal 03 yaxṣimen asɛurbeb,asneslem d udabu, xerraṭa n yiqbayliyen werǧǧin tekna neɣ ad teknu mgal icenga-ines wid yebɣan ass-a ad tecmten neɣ ad tekssen deg tesnamurt(géographie) n tmurt TAQBAYLIT
L’information peut paraître dépassée. Les faits remontent, en effet, à quelques mois. C’était un choix…
Je vais partager avec vous l'extrait d’un texte d’Albert Camus, qui s’intitule « Un appel…
Si prompte à juger et à "condamner à mort", et en appel svp, de jeunes…
Nous publions l’intégralité de droit de réponse à l’agence France-Presse produit par le collectif Action…
"Le réel s'inscrit en négatif des apparences." Il y a de cela 3ans, Mohamed…
Le Kabyle n'admettra jamais l'idée qu'un militant politique quelle que soit sa cause peut être…