Tidukla Tawṛuppit : Tbeddel tamuɣli ar liḥal n izerfan n wemdan deg lezzayer

Liḥala n izerfan n wemdan d tin ɣef wayeg i d-yuɣal wesqamu n tidukla tawṛuppit, send rrabul-nni i d -gan deg wagur n wamber i ɛeddan, tin ma tecfam i d-yessekren lɣid n udabu azayri akked d imagdayen, i neggura yagi walann-tt s tiṭ n tallelt n tesqamutt agi i wdabu azayri umi ṛuḥ imiren wezref n tugdut d usaḍu, abrid agi tasqamutt-agi tneṭ-ed s uqemmuc n yemdebber n wesqamu unig n temsal n beṛṛa d tsertit n teɣlest ( politique de sécurité), mas Josep Borrell.

Aḍris i-d-ssersen ɣef wadeg n tudsa n Strasbourg iḍelli n lexmis d win yemgaraden merra ɣef walɣu aneggaru, abrid-agi amyimi asqamu awṛuppi yettḥellil adabu azayri, amahat abrid-agi ur i reffu ara fell-as, dewṛn s uzagur i yal miḥyaf i d-yeɣlin ɣef imeɣnasen iqbayliyen d imeɣnasen n tugdut sumat, ayagi yettbeggin-ed akken, tasqamutt agi tawṛuppit werǧin i d-ttyewwi nnif ɣef yegduden, acku timura tikapitalitin ttbeddayen-d akked wid i bedden.

Deg walɣu-ines mas Josep Borell yenn-ad” Tadukli tawṛuppit, tessikid s leqreb liḥala n izerfan n wemdan deg lezzayer, d wayen i s-d-yezzin ladɣa deg tama n Tinduf….nezra s lettkel belli aqader n tlelli d izerfan n wemdan d wid ijerden deg tmendawt tamaynutt n lezzayer” yerna yesmekta-d “Tidukla tawṛuppit d tin i mudden afus n tallelt i ṣeggem umi yebges udabu azayri akken ad yerr awal i teɣri n wegdud” .

Tagar n walɣu yagi am yimi d abeggen n kra n tebɣest ur nelli d tidett yessuter zaɛma i wdabu azayri ” …. ilaq ad ldin amciwer d umeslay akked yal iḥricen n tmeti tazayrit”, ayen i nezmer ad d-nini deg wakud anda tamuḥqranit n udabu azzayri d toin yennernan, belli tasqamutt -agi n tidukla tawṛuppit d tin yettnadin kan ɣef nnefɛ-is, xas ulamma ad taf deg ddel n yegduden n lezzayer.