Mohcine BELABBAS : Yessuter smaḥ deg twaculin n wid akk nɣan isenselmen.

Iḍelli deg tejmilt id-yellan i lmendad n wesmekti wis 27 n tmettant n Rachid TIGZIRI, deg taddert-is BUDAFEL n tama n Michelet, aselway n ukabar n wegraw i yedles d tugdut RCD, mas Muḥsin Belabbas, deg wawal-is n tejmilt yessuter smaḥ deg twacult n Rachid tigziri s yisem-is d aselway n ukabar n RCD imi, tella tatut ɣef yergazen yecban ameɣnas ameɣṛas Da Racid, ad yesgunfu deg talwit.

Deg yiwen yidis, nezmer ad nwali ayagi d tabɣest tasertant sɣur aqeṛṛuy n ukabar n RCD, acku Racid Tgziri ger wid i d-yessudsen akabar agi, ihi d lɛib ad tili tatut fell-as ladɣa sɣur imdebbṛen n RCD “…..armi d 2019 i d-mmektaɣ Racid Tigziri, imi lliɣ ttwaliɣ asebtar-inu n Facebook, yeɣli-d ger iufassen-iw yiwen weḍris n tejmilt i yura Amar MEZDAD ɣef Racid Tigziri, d tajmilt-nni i yislemden anwat mas Tigziri d wayen yella, d wanda i d-yefruri d wamek yedder…” d tagi i d tinigit n Muḥsin Belabbas, i yestɛerfen belli tella tatut ɣef wergaz agi muqqren deg kabar n RCD.

Yesḥassef Mas Belabbas ɣef usaḍuf n wemsameḥ i d-yellan deg 1999, anda ula d akabar n RCD yefka afus, imi d win yesselḥan lexdiɛ agi n idammen akk n wid nɣan isenselmen, nebla ma nettu akken tugett deg-sen d imagdayen iqerben neɣ yettekkan deg kabar n RCD.

D tidett akken ad d-iberreḥ yemdebbeṛ amenzu n RCD akken akabar-is yexdeɛ deg 1999, yesra i waṭas n tebɣest tasertant, maca, ur iɛedda yara fella-neɣuzaylal, neẓra belli d ameɛɛen i d-yettmeɛɛin ɣef uselway aqbur n RCD mas Said SADI, maca ur ixulef ara mejjir aẓar iḍelli n Said SADI i yettɣennin i yeqbayliyen belli isenselmen bedlen axemmem uɣalen d arraw n tfamilt, ass-agi d Muḥsin Belabbas i d-yerran isenselmen irebraben n RACHAD d arraw n tfamilt.

” …..Ar ass-a n wussan mazal neqqar-ed belli isenselmen d irebraben d wid umi umsen ifassen d idammen n imagdayen, maca ula d nekkni s imeɣnasen n tugdut nefka afus, imi d-nesberber s tatut i wid akk yettwaɣedren sɣur isenselmen, nxelq-ed tiyersi deg ul n twaculin n wid yettwanɣan sɣur isenselmen armi ugaden ad ssutren tidett ɣef tmettant n wid-nsen” d imeslayen qeṛṛiḥen i d-yenna mas Muḥsin Belabbas, maca nessaram ad yer aḍar netta d amenzu ɣef wesmeɛceq akked irebraben n RACHAD.

Ass-agi iqbayliyen ɛyan deg beṭṭu n ccifan-nsen, Ferḥat mgal Saɛid, Malika mgal Nadya, Muḥsin Mgal iqburen n RCD artaga artagar, deg baxix agi i d-ixelqen beṭṭu ger yeqbayliyen, d ayen yesfeṛḥen iɛdawen n teqbaylit ama d adabu azayri amhersan, ama d iɛdawen n tudert isenselmen n RACHAD, iɛdawen n teqbaylit dduklen i kunwi a leqbayel melmi i d tadukli ?

walit tuqqna yagi ma tram ad teslem i wawal n mas Belabbas

• Link