Idles n Taddert : D tisfi deg uzagur n Waɛṛaben-isenselmen !

Bengrina aselway n umussu isneslem ” Amussu Bina”, deg temlilit yexdem iḍelli 23 Fuṛaṛ deg Wehran, yezzakn-d axemmem-is n tidett mgal ayen i ḍerrun deg lezzaeyr anda yenna : ” Ur nugad ara tugdut, nugad idles n taddert”, ur yelli ara d amenzu, ara i semmin i “Ḥirak” azayri belli d d tamsalt i d-ga “TADDERT”, meḥsub tamurt taqbaylit.

D wid i d-yurwen idles n Badiseyya-Nuγabriya i d-yuɣalen ass-a s wawal “Hirak Ddechra”, ilaq ad nesmekti akken gar imenza i d-ijebden ameslay adi d “Naima Salhi”, yetteuɣebban ass-a, send asefsex n yemni azayri, ussan-a kan. Ar werbaɛ-a, tamurt taqbaylit d ” Taddert” i d agzul-ines, dɣa d tidett ur cciḍen ara, imi walan xas ulamma iɣerman ahat yiwet n tallit, ttwasɛerben, maca tikli n teqbaylit d tmurt taqbaylit, tezga d taddert i tt-inejṛen, ama deg weslaḍ neɣ deg waluḍ.

ih, nek d tadderet ” je suis taddertiste”, d amsedrar i lliɣ, sdukleɣ timest d wurar akken yenna Uleḥlu deg wawal-is, acku ar isertanen-a yettxemmimen belli d nutni i yellan ɣef uqerruy n Tugett, imi izayriyen yettwalin iman-nsen d aɛraben deg tizi n wass-a d 80% deg mezdaɣ n tmurt umi qqaren “Lezzayer”, d tagi i d tidett qerriḥen ahat ar waṭas n yeqbayliyen ass-a Kcem ar tuqna-ya

Bengrina ur yecciḍ ara deg wayen i d-yenna, imi ma tugdut d tifranin, ihi tamurt taqbaylit ala taddert kan i yzemren ad tsellek, acku ad nettwaɛfas s yeqbayliyen zzat n 30 melyun n izayriyen ara ifernan yal win ara d-iberḥen s usenjaq “AƐṚAB-ISNESLEM”.

Xas ulamma ɣef rregmat n yeɛdawen n teqbaylit i d-nettmeslay, ayen ala, d tasebba akken imusnawen n teqbaylit ad xemmen s telqey i temsalt-a n “TADDERT”, ma tezmer d nettat ara irefden deg rebbi talalit n uḥulfu aɣelnaw aqbayli, ladɣa ma nṣeggem lebni-s d tikli-s neɣ ahat d ugur ara iceklen asirem n tlalit n uwanek aqbayli ? d asteqsi yuklalen aṭas n uxemmem, imi deg tririt-is i tella tsarutt n yimal-nneɣ.