Buɛziz At Cebbib: d taddukli i tifrat

Buɛziz At Cebbib asyaddas aɣelnaw n umussu AKAL ymeslay-d deg yiwet n tidiwennit id-as-tga Berbère Tv, yebda-d awal-is: « aɣbel n udabu azzayri, d tamurt taqbaylit». Yerna-d : « di teswiḥt anda iwunaken akk n umaḍal seḥbibiren ɣef iɣermanen-nsen, adabu azzayri yesḥaḥay deg imeɣnasen n teqbaylit, n tugdut d izerfan n umdan».

Buɛziz At Cebbib yessegeza-d acimi ur yeddukel uɣref aqbayli :« imi ur neddukel ara, mačči imi i nemgarad di tiktiwin, ur neddukel ara, acku ulac awal gar-aneɣ, amek ara neddakkel, imi ur nettmeslay ara gar-aneɣ, ɣas nemgarad di tiktiwin, nezmer ad naf abrid amek ara ad tili tdukkli».

Buɛziz At Cebbib tessawel-ad ɣer timlilit ad yilin « i teqbaylit, ddaw leɛnaya n teqbaylit, ad yessdaklen iqbayliyen, d timlilit ad yilin i yeqbayliyen, mačči kra i yiwen neɣ i kra n tuddsa tasertant». Tin iwumi yefka isem « asarag aɣerman aqbayli ».

Buɛziz At Cebbib yesḥassef aṭas ɣef rregmat, d umceččaw yettili ger tarwa n teqbaylit, yenna-d : « rregmat d ucemmet agi yettili ger tarwa n teqbaylit, irennu ifadden i udabu azzayri, ma nkemmel akka nettṛuzu azekka-neɣ s ifassen-neɣ, ma ur nemyeɛqalet ara gar-aneɣ, icenga-neɣ myeɛqalen sdukklen iɣallen i wakken ad-aɣ-snegren, ihi ilaq ad yili wawal gar-aneɣ, ma yella wawal ad yili ṛṛay»

Buɛziz At Cebbib ymeslay-d ɣef tnekkra n Furar id-yebdan di tmurt taqbaylit Xerraṭa, yenna-d aken : « tamurt taqbaylit, si 62 ar ass-a, tekkat ad tseɣli adabu, acu tettaf-d iman-is iman-is, imi d tagrawla ucmumeḥ-a, am aken tufa-d amwanes, acu kan amussu-a mlalen ɣef ayen ɣunzan ( adabu), acu ur mlalen ara ɣef wacu i yebɣan, ur tezmir ara ad tili tegrawla Ama ur mlalen ɣef wacu i yebɣan», yerna-d :« tamurt taqbaylit, d nettat id-yebdan tanekra-a, sin akin tuɣal teṭṭafar s deffir, uɣalen imi cennun s taɛrabt di tmurt taqbaylit »

Buɛziz At Cebbib yerra-d ɣef usteqsi n uneɣmas imi ityesseqsa amek ilaq ad yili usarag aɣerman aqbayli, Yenna-as : « nekni nettnaɣ uwanek aqbayli d win ara ad iddmen ad yawin tugdut, izerfan n umdan, tagada, tlelli i uɣref aqbayli. Acu nekni ur s-neqqar ara aken d nekni i yiṭṭfen tidet, win id-yewwin tikti niḍen ad yass ad tid-yefk, ma nwala d win i d abrid i yessufuɣen, nekni nkennu zdat n ṣṣwab »

Buɛziz At Cebbib ymeslay-d ɣef imeḥba-s anda id-yebder Lunes Ḥemzi, yenna-d : « Lunes Ḥemzi, sbuben-as-d timeqqranin, netta ur yenɣi, ur yukir. Yettnaɣ ɣef teqbaylit s tawit, Lunes Ḥemzi d argaz i ḥemmlen taqbaylit d leqder, ur yergim yiwen». Tessawel-ad ɣer tdukkli iwakken ad nessufeɣ imeḥbas « d taddukli ara aɣ-yessufɣen ɣer ubrid n tlelli, ma tella tdukkli, ad tili tudert, ma ur neddukel ara ad nenger».