aza-azeggaɣ teṭṭef amḍiq n uwanek azayri deg tmurt n ukranya

Aza-azeggaɣ d tuddsa i d-ilulen deg 10 yebrir 2018 sɣur unabad aqbayli uɛḍil, akken ad tuɣal d tuddsa n useḥbiber ɣef temdanit am nettat am La Croix-Rouge d tiyaḍ. Wid i tt-id-yeslalen ḍemɛen ad tili d tuddsa ara yesseḥbibiren ladɣa ɣef yeqbayliyen anda ma llan, u ɣef yimaziɣen n umaḍal sumata. Asirem n wid i tt-id-yesɛan akken ad d-lalent tizya-as deg yal tmurt n tmura n timmuzɣa, amahat yiwen wass ad nwali: Aza-azeggaɣ Zwara, aza-azeggaɣ taknara, aza-azeggaɣ azawad, aza-azeggaɣ Awras, aza-azeggaɣ-Rif artg.

Ass n amhad ( lexmis) 24 Fuṛar 2022, tamurt n Rus tezḍem ɣef tmurt n ukranya s yigen-is akken, dɣa tebda ṭrad tin nettidir almi d ass-a. Aṭas n yeqbayliyen d izayriyen ladɣa iseddawanen i yettidiren deg tmurt n ukranya, i yufan iman-nsen ddaw tuccar n ṭrad d lmut, ulac win ufan ar tama-nsen akken ad asen-yekkes aɣbel neɣ ad asen-imud afus n tallelt.

Mumuḥ anelmad aqbayli n tama n Bgayet yenn-a :” nessawel i wenmahal ( ambassadeur) azayri deg ukranya nessutr-as tallelt akken ad ssawḍen ar tlisa gar ukranya d pulunya, yenna-k muddet-iy-id 500 eurs ɣef uqerruy”, d tagi i d lezzayer n ifettyanen, deg ukal azayri tettarra imdanen ar leḥbas, tetteksasen asirem n tudert ma beṛṛa tettizzi-yasen s uzagur.

Deg yilem-a teǧǧa tmurt tazayrit s wudem n tenmehla-ines, Aza-azeggaɣ d tin yeṭfen amḍiq-is s waṭas n tayri d temdanit d uxeddim, xas ulac aṭas n wallalen ar GPK ( anabaḍ aqbayli uɛḍil), xas mači aṭas n iɛeggalen i tesɛa tuddsa-a n aza-azeggaɣ, maca d tin i xeddmen amahil igerzen nezzeh s tnagit n yeḥbiben d yeɛdawen. Aza-azeggaɣ mači ala iqbayliyen kan umi mudden afus n tallelt ula d izayriyen mudden-asen, ayen d-yettbegginen udem n temdanit d yiseɣ sɛan iɛeggalen-is.

aza-azeggaɣ d tin irefden taqbaylit deg leqdic-ines, terra-d iseɣ d wazal i tesnekta taqbaylit deg wakud anida adabu azayri yebɣa ad yessexsi timest n yiseɣ deg tfekka n yal aqbayli. Maca, tuddsa-ya tesra i wafus n talllet sɣur akk iqbayliyen d teqbayliyen d yemdanen akk iḥemlen tamdanit d tallelt gar yegduden, akken ad tkemmel deg leqdic-ines imi tṛad n rus ɣef ukranya mači d tin ara yfaken azekka, i lmend n waya ad nmud kra n isallen i wid d tid iran ad ttekkin deg leqdic-a :

Tallelt s ttawil Paypal : http://paypal.me/azarouge
Tallelt s ttawil banka : IBAN: FR76 3006 6106 7700 0203 4740 151
SWIFT/BIC: CMCIFRPP

Kra n win iran ad yemmeslay akked tesqamutt n cedda ukranya-Taqbaylit, ad yaru s ttawil n E-Mail tansa : sosukraine@azarouge.org, uṭṭun n usiweḍ : +33 6 51 45 98 66 ( WatsApp d Signal).