Ameḥbus akk mezziyen deg imekraf n Rif, yettmettat deg tsusmi !

Mehmoud Bouhnouche, ameḥbus akk mezziyen deg tnekra n Rif, yekcem deg ass-is wis 10 deg negzum ɣef tgella, anegzum yebda deg 3 Furar yezrin, isalli i d-yessufeɣ i tɣamsa, umekraf aqbur arifi , Ǧawad ṢABṚI.

Tidukla “TAFRA” ilmend n ibeddi ar imekraf n Rif , tin i d-ssulin kra deg ɛeggalen n imekraf n Rif d kra n imeɣnasen irifiyen ilmend n izerfan n wemdan, deg yiwen walɣu tuɣal-ed ar yir liḥala deg yella Meḥmud Buhnuc, deg lḥebs ” SELWAN” deg yiɣer n Nadur, win ɣef wayeg i d-yeffeɣ creɛ n 15 n iseggasen n wekraf, imi kan yettekki deg tnekra n Rif mgal Lmexzen amerruki.

Deg tnigit-ines Mass ṢABRI, i wumi i d-yessawel ass n 8 Furar Meḥmud Buhnuc seg lḥebs ” Azagur-is yetteqṛaḥit nezzeh, u yerna tigezzal-is ttnezzifent dimi azal n 6 wussan ur yeswi tiqit n waman, akka tazmert n ilemzi yagi d tin yettenkazen deg wass ar wayeḍ”, ayen i degren ilemzi yagi ad yekcem deg negzum ɣef učči ” D yir liḥala yettidir deg lḥebs n SELWANA, anda terran deg tama n iqettalen, yal ass d aɛetteb deg-s akken ad yenker amennuɣ-is ulmend n Rif”.

Deg sebtar-ins mass Ṣabri yellan d netta i d-yessawaḍen isallen n Meḥmud, yennak ass n 10 Furar yezrin, yegzem usiweḍ akked ilemzi yagi, ulac akk isalli fell-as, anda i d-yerna ” Taɣect-is tebbeḥbeḥ, tenkeẓ aṭas s dreɛ ara tesleḍ ayen d-yeqqar” ayen i d-yettbegginen belli tazmert n ilemzi yagi tessagad, deg wass ar wayeḍ.

Ar melmi tilelli i yegduden imaziɣen, wid yettidiren deg ddel sufella n wakal n lejdud-nsen, agdud ɣer tessakdeḍ d acetki d imeṭwan, deg yakk tafriqt n ugafa, yiwen uɛekkaz i ɣ-yewten akken nella, d yiwet temhersa i ttidiren akk igduden imaziɣen isem-is ” tamhersa taɛrabt tisneslemt”, u yerna yiwen kan webrid i d-yeqqimen i yegduden agi ma ran ad idiren yiwen wass deg tlelli, wagi d abrid n lebni n iwunak-nsen, ama d agdud aqbayli, ama d imaziɣen n Libya, ama d itergiyen n wenẓul neɣ d iknariyen n ugafa.