Deg srid-ines aneggaru deg sebtar-is n Facebock, Ḥmed Cucan, yessawl-ed Ɛinani i yizayriyen i teddun yal ass n lǧemɛa deg wayen umi neqqar tagrawla n wecmumeḥ ar unerfud n ibeckiḍen ” ma yella i laq waya ad naweḍ ɣur-s”. Ahmed Cucan, i wesmekti kan d aserdas i rewlen seg yigen n lezzayer deg seggasen n 90, acku yedda deg tṛekkiṭ n ukabar isneslem FIS, win i refden ibeckiḍen mgal adabu azzayri deg 1992.
Yeqqim deg yinig-ines, d tallelt i srabes uffiren n tmura yemxallafen n luṛuppa, asmi ɛyan deg-s, yuɣal yennulf-ad s sridat ines, n miḥyaf, ladɣa mgal tamurt taqbaylit, arraw-is, amennuɣ-is d izamulen-ines. Yetwassen diɣ s uttekki ines deg tnekra n ṭrad mgal imẓabiyen deg seggasen n 2014, ama s wayen d-yeqqar deg tɣamsa neɣ deg facebook d wayen akk i xeddem ɛinani neɣ s tufra.
Leḥqed-ines d lkerh n teqbaylit d win i yeqqimen deg allaɣ-is, di yal tikelt yettuɣal-d ar ɣur-es. Asmi i d-usa tegrawla n ucmumeḥ deg ass n 16 Fuṛar 2019, i wala am netta am wid i rekben taweffa n taɛṛabt-tisneslemt, tagnitt n wuwraɣ, akken ad suḍen miḥyaf-nsen mgal tamurt taqbaylit. Deg tazwara s utekki n kra n ifettyanen deg yigen neɣ larmi n lezzayer, tebda-d uheggi n tqeffet ” 0 Kabyles” anda yettekki, Cucan agi s teqseḥ .
Send akin, tecmumḥ-as-d tegnitt imi i d yufa aqerruy n yigen GAYED Saleḥ d win i refden tiktiwin d tmuɣliwin-ines deg wayen umi qqaren s miḥyaf mgal tamurt taqbaylit Badiseyya-Nuγambreyya, deg tallit deg anda Gayed yessekcam ilmeẓyen iqbayliyen ar leḥbas imi kan refden anayen imaziɣen, tikwal ula d amayu n JSK yessekcam ar lḥebs ; Chouchane, xas ulamma d arebrab u yerna d axanab maca i kecm-ed ar tmurt s ufella n userdun.
Aserdun n taɛrabt-tisneslemt d win yufan iman-is kra kan n waguren weqbel ad yemmet seld asbeddi n Tebbun s wudem unṣib sɣuṛ IGEN “larmi”, deg umḍiq n uselway n lezzayer.
Ad-nesmekti kan belli, i tcerkett n “0 Kabyles” tamurt taqbaylit terra-s-d tiririt n talwit d tegzi d tdukli tagi d “0 vote en Kabylie”. Maca deg asmi teddez tebrez, adabu amaynut azayri yezzi s weɛrur i wid yellan d tayett i tiktiwin n Chouchane Ahmed, acimi i sen-tezzi ad yuɣal ad iban, maca d aya i t-yeǧǧan ad yečč isiḍ.
Qqqaren ur yettxalaf ara mejjir aẓar, arebrab n yiḍelli yuɣal-ed ar ṭid-is ass-agi, imi deg tbideyyut agi ara tafem deg tagara n weḍṛis agi, deg dqiqa tis 57 Ahmed Chouchane yessawl-ed ɛinani tabelɛinant akken “…ad heggin iman-nsen izayriyen i tazala n idammen, imi ma ylaq ad nerfed ibeckiḍen ad ten-nerfed” id-yenna Chouchane, attah ihi lezzayer-nsen d yimal ines, acutt teqbaylit-nneɣ d yimal-ines ? yal aqbayli ad yemmeslay i yiman-is
AT1707230121
Je vais partager avec vous l'extrait d’un texte d’Albert Camus, qui s’intitule « Un appel…
Si prompte à juger et à "condamner à mort", et en appel svp, de jeunes…
Nous publions l’intégralité de droit de réponse à l’agence France-Presse produit par le collectif Action…
"Le réel s'inscrit en négatif des apparences." Il y a de cela 3ans, Mohamed…
Le Kabyle n'admettra jamais l'idée qu'un militant politique quelle que soit sa cause peut être…
Lounes Amrane est l'une des figures de la nouvelle génération de la chanson Kabyle. Comme…