Tussnakt s tmaziɣt, asirem n uɣarbaz azedgan s tutlayt tayemmat i inelmaden imaziɣen.
Tussnakt d adlis n tussna i d-yura mass Farid Rabia, d yiwen uselmad aqbur i d-yefkan 28 iseggasen i usensgmi deg uḥric n Tussnakt, d win i ḥemlen tamaziɣt seg wul, imi ayen d-yeswjed d taɣawsa ara isurfen ad yeldi abrid i uzekka n tussna s tutlayt n tmaziɣt.
Tussnakt s wurar yexdem fell-as mass Ḥend Saɛdi, d acu terza ala aswir ameẓyan, amek aqcic ara yelmed imḍanen d wuṭṭunen s tutlayt n teqbaylit.
Mass Deḥman at Ali d yiwen i ixedmen tafizikt d tesnaguyt s teqbaylit, win i walan aya, yenna d akken taqbaylit tezmert ad tili deg yal taɣult.
Mass Ɛmer Mezdad deg tama-s yexdem asegzal n tujya.
Mi ara nwali aya , tuget efkan afud llan-d ɣer tamiwin n yimussnawen-a-nneɣ i ixedmen deg yal taɣult iwakken ad sufɣen tutlayt beṛṛa i wayen tettidir.
Wid yenna-n tutlayt n tmaziɣt d tin n tsekla ur telli d tin n tussna, skadben-ten ass-a yimussnawen-a i d-yefkan amedya ɣef ubrid n usiweḍ ɣer wayen yettmenni yal amaziɣ deg yal tiɣmart deg ddunit.
Deg uḍris n Mass Farid Rabia, ad naf daxel-is, amezruy n Tussnakt, d iluɣma yesɛan tifrat, yettwaxdem i yimuɣrbizen ara ixedmen s yes deg yal taseddart n ddunit-nsen.
Nwala yexdem asarag ass-a, ffuden yemdanen tussna, tuget n yiselmaden n tussnakt d uḥric i ḍefṛen aya i d-yusan iwakken ad agmen tikta, umnen d akken tamaziɣt ad teffeɣ i ṭlam tettidir ma ikemmel umecwar deg leqdic-at yecban wa.
Tajmilt tameqqrant ad tuɣal i yal yiwen yefkan akud i usnerni n tmaziɣt deg yeḥricen-a yemgaraden deg yal taɣult.
R.H
