Taqbuct n tefriqt, tarbeɛt n JSK terza s tebɣest d yiseɣ iwakken ad glu s yes.
Tarbeɛt n JSK d tin ara yurarren ɣef teqbuct n tefriqt, timlilit ad ili ass-a ɣef tsaɛt n tmanya yiḍ. Rzan s leḥrar d yiseɣ iwakken ad s feṛḥen wid i ten-i ḥemlen.
Anwa aqbayli ur yesɛin ul ɣer terbeɛt-a yella d imingt n tutlayt, idles d tmagit-nneɣ, akk inazuren d icennayen yal wa s yisem-is efkan-as tabɣest llan-d ɣer tama-s, Maɛtub Lunes, Bujemɛa agraw, Lewnis at mengelt, Uleḥlu, Ɛemmur Ɛebdennur…artg, yal wa yefka-d ayen yessen d wayen yezmer ɣef uzamul-a n yiseɣ.
Agdud aqbayli d win ur neǧǧi leḥmala-s yedda yiḍ-s s anda terza, ass-a s tmentelt n unfafaḍ imḍebbṛen n tmurt n Lezzayer ugin ad surfen i yimferjen ad ṛuḥen, maca iqbayliyen deg rebɛa n tɣemmar n umaḍal ussan-d ama di Marikan, di lurup, tafriqt n unẓul… Artg, leḥmala sɛan yiwen ur asen-tettekkes.
Deg tama-nniḍen imḍebbṛen n La CAF d wid i asen-yesnulfan aɛwiq ɣef tmentelt n tira n tfinaɣ d acu iɛeggalen n JSK ufan-d tawwurt i waya, imi ṛuḥen ad awin Taqbuct d wa i d aɣbel amenzu.
Terbeḥ neɣ texsar d atmaten-nneɣ, ul n yiqbayliyen ɣer yidiss n terbeɛt-a n tmagit d tumast.
R.H
