Deg Tikli n lǧemɛa tis 106 deg yeɣrem n lezzayer, akabar n wegraw n yedles d tugdut (RCD), refden ɛinani tiwlifin n umeḥbus aserti ilmend n timunent n tmurt taqbaylit Lounes Hezmi, d tikelt tamenzut ara d-yass wannect-a deg wasmi yettwaṭṭef ar lḥebs deg 8 Tuber 2020.
Ussan yezrin, aṭas n wesḥissef i d-yellan ɣef tatut i d-yeɣlin ɣef imeḥbas isertanen n tmurt taqbaylit, ladɣa Lounes Hemzi, acku ulac akabar aserti azayri i d-yemmeslayen fell-as, amahat imi Lounes yella d imdebber n MAK ( Amussu n wefraniman n tmurt taqbaylit), ugaden ma bedden ɣur-s adabu azayri ad d-iwehhi ɣer-sen belli bedden mači ar wemdan maca d tayett i wmussu i d-yessawalen ar beṭṭu n tmurt n lezzayer.
Ass-a nwala belli lḥiḍ n tugdi d win iraben, ar wesqamu ilmend n tlelli n Lounes Hemzi, d tafat i d-yeflalin ɣef temsalt n Lounes, akken ad tuɣal temsalt-a d tin ara yetwasnen ugar, ad taweḍ ar yal aqbayli d yal amagday, imi Lounes d win yettwakerfen d aguren aya deg lḥebs n Qliɛa deg Tipaza nebla ma i ɛedda deg creɛ.
