Maria Benmadani : Tilemẓit n Galma sseṛɣen deg tlemmast n webrid
Maria Benmadani, 19 n iseggasen, tettwet, tettwaɛeggeb, sɣur yiwen “wergaz” yerna yesseṛɣ-itt d tamuddurt deg tlemmast n webrid deg Oued Zenati, deg Ugezdu n Galma( Lezzayer), acku tugi ad telḥu yid-es. Tilemẓit-a d tis 53 deg seggas-a n 2021, d taluft tugi teɣdemt tazayrit d teɣlist-ines ad terfed akken amahat ad af tifra, Acimi ?
Aqettal-is, ɣef leḥsab n isallen i d-imud wegraw mgal timenɣit n tlawin, yessutr-as ad tessiwel i yemm-as akken kan ad stini belli atan ad tenɣ iman-is, send ad ttiṛuc s liṣṣuns u ad s-imekken timest akken ad teknef d tamuddurt.
Tamsalt-a n Maria, tesmektay-ed aṭas n telmeẓyin yemmuten am nettat, ttwaɣedṛent deg tlemmast n wass, sɣur iɣeṛsiwen n tuzuft, u deg yal tikelt deg imawlan n telmeẓyin-a rezzunt ar cṛeɛ akken ad sbanent tafat ɣaf temsal-nsent, taɣdemt tazayrit tettezzi s uzagur i tidett d wezref.
Tamurt n lezzayer am tmura akk yettwakeblen s uxemmem aɛṛab-isneslem, yettwaɛfas wezref n tmeṭṭut, imi deg xemmem-a n iwunak isenselmen, tameṭṭut tuɣal d lɛib i laqen ad yeffer wergaz i tmeti, d taɛkemt ɣef yiɣil-is deg waṭas n tikal ma temmut d aɣbel i yeksen.
Win yebɣan ad yesbin tafat ɣef izerfan n tmeṭṭut ilaq ad yekker i tunḍa n ddin d uxemmem aɛrab-isneslem deg wallaɣen n yemdanen, tayri ad tuɣal d tilawt mači d tiyersi. Timeti i ɣunzan tameṭut d tin i ɣunzan tudert;
