INIG : Isallen ineggura deg tulya n tlisa i yinig ger Fransa d Lezzayer
I wseḥbiber mgal anfufed n uvirus covid-19, aneɣlaf amenzu n fransa mas Jean Castex, iberḥ-ed ass n lḥed 31 yennayer ɣef ttnac n yiḍ, isalli n usekker n tlisa i yal akk timura i d-yezgan beṛṛa n lber n luṛuppa.
Rray n usekker n tlisa, yus-ad imiren, imi mazal ur d-yewwiḍ ara usafar i wecṛaḍ n weɣref afransi, acku iban-ed leɛḍil deg temsalt agi, acku alamma d tazwara n tefsut ara d-yaweḍ s waṭas deg xemmem n udabu afransi.
Inigen ger fransa d lezzayer
Ar ass-a krad n tkubbaniyin kan umi yettwanefk wamek ara gen inigen ger snat n tmura yagi, gar-asent : seg lezzayer llant kan Air France, ASL Airlines, ma seg fransa tella kan Air Algérie, dɣa deg waya ttwaheggan krad n yinigen deg wagur n Fuṛar sin deg umnensriffeg n Paris Orly, yiwen seg umnesriffeg n Roissy Charles de Gaulle.
Anwi iminigen i zemren ad d-asen deg lezzayer ar fransa ?
Ass-agi 5 n yeḥricen kan n iminigen i zemren ad inigen ger lezzayer ar fransa, wigi : Iṛuppiyen, d twaculin-nsen, izayriyen yeṭṛasɛen deg Fransa, yakk d izayriyen d yeqbayliyen yesɛan Visa ɣuzzifen deg wakud ( Visa D) i usegrew n twacult ( regroupement familiale) nebla ma nettu izayriyen d yeqbayliyen yesran i tujya.
