imeɣnasen n timunent yettwaṭfen deg waqbu sɛeddan iḍ-nsen amenzu deg nekraf
Timlilit tella-d iḍelli deg taddert n TIFRIT, akken akk imeɣnasen n timunent d tlelli ad smektin yiwen wergaz muqqren i yefkan d asfel tudert-is akken ad tedder teqbaylit, tinekkit, iles, ideles wagi d Masin n Uharun.
Usan-d imeɣnasen n tlelli, deg ukkuẓ n tɣemmar n tmurt taqbaylit, i lmend n tejmilt-a, i ran yemdeben n MAK ad tɛeddi deg talwit d tegmatt, maca imessulta izayriyen, nwan ad xedmen rray-nsen, ɣef waya i zeḍmen ɣef weglaf n imeɣnasen, wten deg-sen, u kerfen aṭas n imeɣnasen.
Aṭas n imeɣnasen n yal amḍiq deg tmurt taqbaylit, i yettwaṭfen, deg tazwara , rran-ten ar kumisareyya n Weqbu, maca send akin wwin akk imeɣnasen n tmimunent ar kumisareyya n tlemmast n yeɣrem n Bgayet. Aṭas i d-yettmeslayen yakan, belli imeɣnasen-a ad ttwasɛeddin zzat n teɣdemt ass n letnayen i d-iteddun; ar tura ulac kra n ubugaṭu i zemren ad i wekked isalli-ya s wudem unṣib.
Ticki nesɛa ugar n isallen, ad nuɣal alamma d ɣerwen, ayen kan i yellan d unṣib, imeɣnasen sɛeddan iḍ-nsen amenzu deg mekraf n kumisareyya n Bgayet.
