Ugar n 15 n imeɣnasen n Timunent n Tmurt Taqbaylit i yettwaṭfen deg yeɣrem n Bgayet, acku begsen ad erren tajmilt i yiwen ger tgejda n teqbaytlit wagi d Masin Uharun, deg wagur n Magu 2021, yezrin. Deg ass n 29 Magu yezrin tella-d tikli deg yeɣrem n CIMINI, i lmend n tlelli n Muḥand Wamar Ḥaddadu. 27 Magu deg Leɛzib n Bumerdas, cwal ger imezdaɣ d yemsulta, anda ttwaṭfen d iglafen n imeɣnasen. 28 Mayu yezrin ibeddi deg Tizi n Tlata, ar yidis n Kased Yunes . 29 Mayu, ibeddi n wurfan d tallelt deg yeɣrem n Uzellagen ar yidis n MEƐUC Mennad.

Amenzu n yunyu tikli deg yeɣrem n Sedduq i lmend n usellek n umeɣnas ǦUDI Ǧamal d yemdukla-is. Sofian Babasi, Smail Mendas d 8 n imezdaɣ yettwaxeḍfen deg Leɛzib Nasireyya. Safari Smaɛil yettwaxḍef deg webrid ar Bgayet. Sofian Babasi yeḍḥa-d ziɣ deg Lḥebγs n Tjellabin. D wi i d ussan ttidiren imeɣnasen n teqbaylit ladɣa d imezdaɣ n Tmurt Taqbaylit sumata, ussan n lḥebs d unekref d tṛad, imi adabu azayri i xemmel i yɣallen-is akken ad yessenger akk anamek n tlelli d timunent deg Tmurt Taqbaylit deg wakud anda aɣref aqbayli, ara yessikid kan am yimi yečča deg ɣenja.

Teboun, aselway n lezzayer deg wegraw-ines aneggaru deg wesqamu aɛlayan n teɣlist, i berreḥ-d akken MAK ( Amussu n wefraniman n tmurt taqbaylit) d amussu arebrab. ahat d tikelt tamenzut, i d-teḍra deg wass-mi terfed Tmurt Taqbaylit ibeckiḍen mgal lezzayer deg 1963.

Niqal berḥen-d kan belli ala MAK i d arebrab, ur ṛwin ara, iḍelli rnan-d asaḍuf amaynut, anda Tebbun yessuter ad yeslal Lejrida neɣ Umuɣ (Liste), Taberkant n yemdanen d tudsiwin tirebrabin, ihi ldit allen-nwen aqla-ken deg TESNARAFT ( Dictature), anda kra n win ara d yekren mgal adabu n lezzayer, idammen-is ḥellen i wsizzel.

Ihi deg tegnitt anda, tuɣal ɣef yemdanen tekmamin, anda laẓ yedeggir tiwwura, adabu yesuffeɣ-d tuccar akken ad yessiged medden. Deg tegnitt am tagi, tamurt taqbaylit ad taf tazmert d yiɣil deg wesdukkel n tarwa-s. Neffud ad yass wass ara i ẓerben ɣef tarwa-nneɣ acku adabu d win i qesden nger-nneɣ. Aḥasan yiwen wass, amahat ad teḍṛu.