Gaya Lahouazi : Anelmad i d-yewwin tazmilt tamenzut deg ukayad n BAC deg yakk Tamurt Taqbaylit
amdanamdan30@gmail.com
Tizi-Wezzu am yal tikelt tetteffeɣ-d d tamenzut deg kayaden n yal aswir n ttrebga, ama d akayad n 5e neɣ BEM neɣ ladɣa BAC. ihi d aneɣlaf n ttrebga azayri i d-yefkan igemmaḍ n ukayad n BAC n usseggas-a. Am yal tikelt Tizi d tin yeṭfen amḍiq amenzu s ugemmuḍ n 74,29% n rbeḥ deg kayad n BAC.
Gaya Lehouazi, mmi-s n illula Umalu, d netta i d-yufraren d amenzu deg yak tamurt taqbaylit deg ukayad-a n BAC s ugemmuḍ n 19,22/20, yufrar-ed d wis kṛad s lemqarna ar yakk inelmaden n tmurt n lezzayer. D ayen i d-yettbegginen azal n tezrawin i ttgen imawlan n inelmaden n tmurt taqbaylit, deg tmurt anda tijɛal d nutenti i yeṭfen aḥric n yizem deg unadi n uxeddim.
Akka Tizi-Wezzu i tikelt tis 14 ta deffir ta, d nettat i yeṭfen amḍiq amenzu ama deg tmurt taqbaylit, ama s lemqaṛna deg tmurt n lezzayer, deg ugemmuḍ n rbeḥ n inelmaden-is deg ukayad n bakalurya. ihi gedha i yimawlan n inelmaden d yak inelmaden d-yufraren deg ukayad-a, ma d wid ur t-id-yewwin ara asseggas-a, nessaram-asen qabel ad t-id-awin.
