Fransa, tessenqes nezzeh uṭṭun n LVIZAT ara tmud i yimezdaɣ n Lezzayer
Fransa tessenqes s waṭas uṭṭun n izayriyen i yzemren ad kecmen ar wakal-is, ayagi s usenqes n wuṭṭun n lvizat, i thegga i ymezdaɣ n lezzayer, ladɣa lviza schengen.
D isalli i d-tessufeɣ radyu tafransist EUROPE 1, tin i d-yenna belli aselway n tagduda tafransist mass Emmanuel Macron, igezmit deg ṛṛay akken ala 31 500 n lvizat ara yettwanefken i ymezdaɣ n lezzayer, uṭṭun yellan d azgen n wacḥal n lvizat yettwamudden ilendi kan.
Uṭṭun n useggas-a d win akk meẓẓiyen deg 10 n iseggasen-a ineggura, ma nesmekt-ad kan asseggas n 2019, ttwamudden 275 000 n lvizat schengen i ymezdaɣ n lezzayer, maca ayen ẓmik-a d acu i d tasebba-s ?
Anabaḍ afransi, yessegza-d asenqes-a, belli d tiririt i wdabu azayri yegguman ad d-imud afus n tallelt deg useddu n temsal n izayriyen yettidiren s wudem uffir beṛṛa n lqanun deg wakal afransi, wid ladɣa teṭṭef teɣlist tafransit tebɣa ad ten-tceyyeɛ ar tmurt-nsen.
Asmekti, ṛṛay-a ur yerzi yara kan lezzayer maca akk timura n tefriqt n ugafa Meṛṛuk d Tunes ladɣa.
