22 furar 2021 d ass n usirem i yizzayriyen, sḍefren awal tigawt, efɣen-d wwin-d zedwa iwakken ad seɣlin adabu akken yella d asuter n yal yiwen deg ukuẓ n tɣemmar n tmurt. ” d taɣermanit maci d taserdatit ” akken i tt-yebɣa Ɛebban deg ugraw n Summam.
Aseggas n ukraf s unekcum n unfafd n Covid-19, d ayen yerran agdud ad yuɣal ɣer yixxamen , ḍefren iwellihen n tesqamut n tdawsa, d acu imal d usirem d win yellan deg wulawen-nsen. Adabu d win ifursen tagnit ad yeselḥu taɣdemt ɣer tama-s, yegla s tuget n yilemẓiyen ɣer leḥbas, d win yesṭuqten allal aɣdman iwakken ad yeẓu tugdi gar yimeɣnasen. Imastanen d wid yuzlen aṭas suturren aserreḥ n wid ikerfen d unadi ɣef tmentelt yellan deg ukaram-nsen, akken d-nnan ur yelli wayen yesεan lsas ɣef ukraf-nsen aya akk d lbaṭel.
Glan s kra n win yesεan assaɣ seg leqrib neɣ deg lebεid ɣef temsalt-a, lmeɣnasen isartanen, ineɣmasen, iserdasen, imastanen …artg yiwen ur yesεi leslak. Agdud yeccur wul-is d acu terra-t tmara ad iqqim deg uxxam imi anfafad d win ixedmen aluf deg umaḍal s lekmal.
Aseggas-a agdud yejbed amrar yexdem tabɣest yeffeɣ-d ass n 16 furar deg temdint n Xerraṭa, d ayen yefkan afud i ugdud ad yeffaɣ deg akk aɣiren n tmurt, ɣas ulama imdebbar n tmurt d win i d-yessurgen i waṭas n yimeḥbussa, yeḥbes-d imazannen iwakken ad isawel i talwit d acu agdud d win i as-d-yefɣen arnu yenna d akken ad yeffeɣ ad yuɣal s annar yal lǧemεa! Ad nwali aya ass i d-iteddun ma yeṭef deg wawal-is neɣ ala.
Redouane Habib.
